කතෝලික දේවස්ථාන තුල මානව හිමිකම් තිබෙනවා නම් ශ්‍රී ලංකාවේ කැරළි තුනක් ඇති නොවන බවට මානව හිමිකම් ක්‍රියාධරයකු පවසා තිබේ.
කාදිනල් මැල්කම් රංජිත් මානව හිමිකම් විවේචනය කරමින් කරන ලද ප්‍රකාශය දැඩිව හෙලා දකින අතුරුදහන් වුවන්ගේ පවුල් එකතුවේ සභාපති බ්‍රිටෝ ප්‍රනාන්දු කාදිනල්වරයාගේ ප්‍රකාශයට එරෙහිව මුදල් ඇමැතිවරයා නිකුත් කළ නිවේදනය “හොඳ උත්තරයක්” බව මාධ්‍ය වෙත කියා සිටියේය.
මිනිසුන්ගේ මානව හිමිකම් “මායාවක්” ලෙස හැඳින්වු කොළඹ අගරදගුරු කාදිනල් මැල්කම් රංජිත් හිමිපාණෝ එය බටහිර රටවල අලුත් ආගම වී ඇති බව පසුගියදා ජා ඇල ඒකල දේවස්ථානයක දේව මෙහෙය පවත්වමින් කියා තිබුණි.
“ආගම අදහනව නම් මානව හිමිකම් ගැන කතා කරන්න ඕනෙ නැහැ. මානව හිමිකම් වලටත් එහා ගිය විදියට ජිවත් වෙන්න පුලුවන්. මානව හිමිකම් වල එල්ලී ගෙන ඉන්නෙ ආගම් අදහන්නෙ නැති මිනිස්සු,”
කාදිනල් මැල්කම් රංජිත් මානව හිමිකම් හෙලා දකිමින් කරන ලද ප්‍රකාශය “වැඩ වරද්දා ගැනීමක්” ලෙසයි මුදල් හා ජනමාධ්‍ය අමාත්‍ය මංගල සමරවීර පෙන්වා දී තිබුණේ.
රාජපක්ෂ පාලන සමයේ මානව හිමිකම් නොරකින්නේ නම් GSP+ බදු සහනය අහෝසි කරන බවට අනතරු ඇඟවු විට ඒ වෙනුවෙන් යුරෝපා සංගමයට ගිය නියෝජිතයන් අතර කාදිනල් හිමියන්ද සිටි බව ඔහු සිහිපත් කළේය.
“GSP+ සහනය ලංකාවෙන් අයින් කරන්න යද්දි යුරෝපා කොමිසම ඉල්ලා හිටියේ වධ හිංසා තුරුන් කිරීමටත් අතුරුදහන් නැවැත්වීමට සහ මානව හිමිකම් වර්ධනය කරන්න කියලා. ඒ වෙලාවේ මහින්ද රාජපක්ෂ ඒකට ඒකඟ වුනේ නැහැ. එ් වෙනුවට ඔහු කළේ නියෝජිත පිරිසක් ඇරියා යුරෝපීය කොමිසමට ගිහිල්ල කියන්න වධ හිංසා අතුරුදහන් වීම් තිබුණට කමක් නැහැ GSP+ බදු සහන දෙන්න කියලා. මැල්කම් රංජිත් හිමියොත් ඒ නියෝජිත පිරිසේ හිටියා.”
යුද සමයේ රජයේ ආරක්ෂ අංශ වෙත බාර වීමෙන් පසුව අතුරුදහන් වු කතෝලික පියතුමන්ලා ගැන මෙන්ම 89 දකුණේ කැරැල්ලේ දී මරා දැමු සහ අතුරුදහන් කරවු පියතුමන්ලා සම්බන්ධයෙන් කතෝලික සභාව කිසිවක් ප්‍රකාශ නොකරන බවට චෝදනා කළ අතුරුදහන් වුවන්ගේ පවුල් එකතුවේ සභාපති බ්‍රිටෝ ප්‍රනාන්දු ඔවුන් පිළිබඳව හඬ නඟන්නේ දේශීය මෙන්ම ජාත්‍යන්තර මානව හිමිකම් ක්‍රියාකාරින් බව පෙන්වා දුන්නේය.
Facebook Comments
