දිවයිනට බලපා ඇති අධික වර්ෂාව හේතුවෙන් පුද්ගලයින් 07 දෙනෙකු මිය ගොස් ඇත බවට ජාතික ආපදා කළමනාකරණ මධ්‍යස්ථානය නිවේදනය කරයි.
වර්ෂාව හේතුවෙන් ගාල්ල කලුතර සහ මහනුවර දිස්ත්‍රික්කවල පවුල් 2313ක පුද්ගලයෝ 8289ක් පීඩාවට පත්ව සිටිති.
වැසි සහිත තත්ත්වය සහ නායයාම් හේතුවෙන් මේ වන විට නිවාස 100කට අධික ප්‍රමාණයකට හානි සිදුව ඇති බවයි එම මධ්‍යස්ථානය පෙන්වා දෙන්නේ.
නිල්වලා, කළු, ගිං සහ අත්තනගලු ඔයේ ජල මට්ටම් මේ වනවිට පහත බසිමින් සිටින බව පවසන ජාතික ආපදා කළමනාකරණ මධ්‍යස්ථානයේ නියෝජ්‍ය අධ්‍යක්‍ෂ ප්‍රදීප් කොඩිප්පිලි වැසි ඇති වුවහොත් සැලකිළිමත් වන ලෙසට ද අනතුරු අඟවයි.
අධික වර්ෂාවත් සමඟ දියවන්නා ඔය පිටාර මට්ටමක පැවතීම හේතුවෙන් පාර්ලිමේන්තුව අවට ප්‍රදේශයේ සහන සේවා කටයුතු සඳහා යුද හමුදාවේ භටයින් ද යෙදවීමට කටයුතු කර තිබේ.
පවතින වැසි තත්ත්වය තවදුරටත් වර්ධනය විය හැකි බව මෙන්ම බොහෝ ප්‍රදේශ වලට සවස් කාලයේ වැසි ඇති විය හැති බවට කාළගුණ විද්‍යා දෙපාර්තුමේන්තුව අනාවැකි පළ කර සිටී.
Facebook Comments
