ව්‍යවස්ථා විරෝධී ලෙස අගමැති ධුරයට පත් කරනු ලැබු බවට දේශිය මෙන්ම ජාත්‍යන්තරයේද චෝදනාවට ලක්ව ඇති හිටපු ජනපති පාර්ලිමේන්තු මන්ත්‍රී මහින්ද රාජපක්ෂ සිය ධුරයේ වැඩ බාර ගනු ලැබීය.
ජනාධිපතිවරයා විසින් 26 සිකුරාදා මහින්ද රාජපක්ෂ අගමැති ධුරයට පත් කල අතර එය නීති විරෝධී බවට දේශිය මෙන්ම විදේශීය දේශපාලක විචාරකයන් චෝදනා කළේය.
කෙසේ වෙතත් 28 ඉරිදා ජාතිය ඇමතු මෛත්‍රීපාල සිරිසේන කියා සිටියේ මහින්ද රාජපක්ෂ අගමැති ධුරයට පත් කරන ලද්දේ නීති විශාරදයින්ගේ උපදෙස් ලබා ගැනීමෙන් අනතුරුව බවයි.
මහින්දා රාජපක්ෂ අගමැති ධුරයට පත් කිරිමෙන් අනතුරුව පාර්ලිමේන්තුව නොවැම්බර් 26 දක්වා කල් තබන ලදී.
එම පත් කිරීමට විරෝධය දක්වන එක්සත් ජාතික පක්ෂය හා සිවිල් සංවිධාන වහා පාර්ලිමේන්තු කැඳවා බහුතර මන්ත්‍රී කැමැත්ත මත අගමැති පත් කරන ලෙස ජනපතිට බල කරමින් සිටී.
දෙමළ ජාතික සන්ධානය හා ජනතා විමුක්ති පෙරමුණ මෙන්ම ඇමරිකාව ඇතුළු බටහිර රටවල් රැසක් පාර්ලිමේන්තුව වහාම කැඳවන ලෙස මේ වන විටත් ජනපතිට හා කතානායකට දන්වා ඇත.
Facebook Comments
