රාජ්‍ය මාධ්‍ය මහජන සේවවාක් කරන්න කමිටුවක්

0
136
wedding people

රාජ්‍ය මාධ්‍ය ආයතන සෑබෑ මහජන සේවා මාධ්‍ය බවට පත් කරලීමේ අරමුණෙන් එම ආයතනයන්හි ක්‍රියාකාරීත්වය අධ්‍යයනය කිරීම සඳහා මුදල් හා ජනමාධ්‍ය අමාත්‍යවරයා විසින් සත් පුද්ගල කමිටුවක් පත් කර තිබේ.

මාධ්‍ය භාවිත සහ ඒවායේ ස්වාධීනත්වය පිළිබඳ සමාජ කතිකාවතක් ගොඩනැගී ඇති මෙම අවස්ථාවේ මාධ්‍ය ප්‍රවීණයන්ගේ අදහස වී ඇත්තේ පෞද්ගලික මාධ්‍ය සම්බන්ධයෙන් කටයුතු කිරීමට පෙර රාජ්‍ය මාධ්‍ය ස්වාධීන සැබෑ මහජන සේවා මාධ්‍ය ආයතන බවට පත් විය යුතු බවටයි.

එම අරමුණ මුදුන්පත් කර ගැනීම සඳහා මුදල් හා ජනමාධ්‍ය අමාත්‍ය මංගල සමරවීර විසින් මෙම කමිටුව පත් කර ඇති අතර රාජ්‍ය මාධ්‍ය ආයතනවල ක්‍රියාකාරීත්වය අධ්‍යයනය කර අවශ්‍ය නිර්දේශ ඉදිරිපත් කිරීමේ වගකීම කමිටුවට පවරා ඇත.

විජයානන්ද ජයවීරගේ සභාපතිත්වයෙන් යුතු කමිටුවේ සාමාජිකයින් ලෙස මහාචාර්ය ජයදේව උයන්ගොඩ, අචාර්ය ප්‍රදීප් වීරසිංහ, සන්නිවේදන උපදේශක නාලක ගුණවර්ධන, රංගන ශිල්පිනී කෞශල්‍යා ප්‍රනාන්දු, සිනමාවේදිනි අනෝමා රාජකරුණා සහ නීතිඥ සුදර්ශන ගුණවර්ධන කටයුතු කරති.

Facebook Comments