මාතර දිස්ත්‍රික් පාර්ලිමේන්තු මන්ත්‍රී, මුදල් අමාත්‍ය මංගල සමරවීරගේ දේශපාලන දිවියට දශක තුනක් සපිරීම නිමිත්තෙන් කොළඹ බණ්ඩාරනායක අනුස්මරණ ජාත්‍යන්තර සම්මන්ත්‍රණ ශාලාවේ උත්සවයක් සංවිධානය කර තිබේ.
“ඛේමාගේ කොලුවා” නමින් සංවිධානය කොට ඇති මෙම උත්සවය ජනාධිපති මෛත්‍රීපාල සිරිසේන සහ අගමැති රනිල් වික්‍රමසිංහගේ ප්‍රධානත්වයෙන් 28 බ්‍රහස්පතින්දා මෙම උත්සවය පැවත්වීමට නියමිතව ඇත.
එක්සත් ජාතීන්ගේ සංවිධානයේ හිටපු එක්සත් ජනපද තානාපතිනී සැමැන්තා පවර් විසින් උත්සවයේ දේශණය පවත්වන්‍ර ලබන බව සංවිධායකින් දැනුම් දෙයි.
මංගල සමරවීර අමාත්‍යවරයා තම දේශපාලන ජීවිතයේ වැදගත්ම සමරුවකදී එහි ප්‍රධාන දේශනය පැවැත්වීමට සැමැන්තා පවර් මහත්මිය තෝරාගෙන ඇත්තේ දෙදෙනා අතර රාජ්‍යතාන්ත්‍රිකව හා පෞද්ගලිකව පවතින දැඩි මිතුරුදම නිසාවෙනි.
වසර 1989 දී ප්‍රථම වරට පාර්ලිමේන්තුවට තේරීපත්ව පැමිණි මංගල පින්සිර සමරවීර එදා මෙදාතුර ඇමැති ධුර ගණනාවක් දරමින් මාතර පුරවරයේ දියුණුවට විශාල සේවාවක් ඉටුකොට තිබේ.
Facebook Comments
