යහපාලන ආණ්ඩුවව විසින් ජාතීන් අතර සහෝදරත්වය නැති කරමින් සිටින බවට භික්ෂු සංවිධාන එකමුතුවක් චෝදනා එල්ල කරන සිටිනවා.
ජාතික සංවිධාන එකතුව නමින් බෞද්ධ භික්ෂුන් කිහිප නමක් විසින් අද (28) පැවති මාධ්‍ය හමුවකදී ඉත්තෑකන්දේ සද්ධාතිස්ස හිමි මේ බව පැවසීය.
සංහිඳියාව යන වචනය වත්මන් ආණ්ඩුව විසින් සැකසු බවත් තමන් එය හඳුන්වන්නේ සහෝදරත්වය නමින් බවත් සහෝදරත්වය යනු එකට ජිවත් වීමේ අයිතිය බවයි එහිමියන් අවධාරණය කර සිටියේ.
එල්ටීටීඊ සංවිධානය ශ්‍රී මහා බෝධියට ප්‍රහාර එල්ල කළ අවස්ථාවේදී සිංහල ජනයා හෝ භික්ෂුන් දෙමළ ජනයාට පහරදීම‍ට නොගිය බවත් එසේ සිදුවුයේ ජාතීන් අතර පැවති සමඟිය නිසා බවයි උන්වහන්සේ පෙන්වා දෙන්නේ.
ආණ්ඩුවෙන් මෙහෙයුමක්
රාජපක්ෂ රෙජීමයට හොරු බව පවසමින් වෙනස යනුවෙන් හඳුන්වා යහපාලන ආණ්ඩුව තමන්ට අවශ්‍ය දෙය ඉටු කළ ගත් බවත් මුස්ලිම් හා සිංහල ජනයා අතර ගැටුමක් ඇති කිරීමට යහපාලන ආණ්ඩුව කටයුතු කරන බවට එහිමියන් චෝදනා කර සිටියේය.
මුස්ලිම් ජනයා හට ව්‍යවස්ථාව හරහා වෙනම පාලන කලාපයක් ලබා දීමට රජය කටයුතු සකසන බවත් එය සාර්ථක කර ගැනීමට සිංහල හා මුස්ලිම් ජනයා අතර ගැටුම් ඇති කිරීමට ආණ්ඩුවේ සිටින මුස්ලිම් ඇමතිවරුන් හා එක්ව රජය කුමන්ත්‍රණය කරමින් සටින බවයි එහිමියන් අවධාරණය කළේ.
ෆේස් බුක් ඔස්සේ එම කුමන්ත්‍රණය ක්‍රියාත්මක බවත් වෙන කවරදාටත් වඩා සාමාජ ශාලා හරහා ජාතීවාදය පතුරමින් සිටින බව පෙන්වා දෙන සද්ධාතිස්ස හිමි අවධාරණය කර සිටියේ කුමන්තුණකරුවන් ඉදිරියේදී හෙළිදරවි කරන බවයි.
Facebook Comments
