ආරක්ෂක හිස්වැසුම්වලට SLS ප්‍රමිතිය අනිවාර්යයි

0

යතුරු පැදි පදවන්නන් සඳහා වන හිස් වැසුම් සහ තරග ඉසව් සඳහා භාවිත කරනු ලබන විශේෂ ආරක්ෂාවක් සහිත හිස්වැසුම් සඳහා ශ්‍රී ලංකා ප්‍රමිතිය වන SLS 517 ලාංඡනය අනිවාර්ය කෙරෙන බව පාරිභෝගික කටයුතු පිළිබඳ අධිකාරිය පවසයි.

යතුරු පැදි පැදවීමේදී නිසි ප්‍රමිතියෙන් තොර හෙල්මට් භාවිත කිරීම නිසා සිදුවන අනතුරුවල දී රියදුරාගේ හා මගීන්ගේ ජීවිතවල මාරාන්තික බව ඉතා ඉහළ අගයක් ගන්නා බව හඳුනා‍ගෙන ඇති බැවින් පාරිභෝගික අධිකාරිය මේ සම්බන්ධයෙන් අවධානය යොමු කර වූ බව එම අධිකාරිය සඳහන් කරයි.

ශ්‍රී ලංකාව තුළ කිසිදු නිෂ්පාදකයකු, ආනයනය කරන්නකු, බෙදාහරින්නකු විසින් හෝ වෙළෙන්‍ඳෙකු විසින් තොග හෝ සිල්ලර වශයෙන් ආරක්ෂක හිස්වැසුම් සඳහා එම ලාංඡනය දරන්නේ නම් මිස එකී හිස්වැසුම් නිෂ්පාදනය, ආනයනය, බෙදාහැරීම, ගබඩා කිරීම, විකිණීම සහ විකිණීම සඳහා ඉදිරිපත් කිරීම නොකළ යුතුය.

ලබන සැප්තැම්බර් මස 01දා සිට මෙම නිතීය බලාත්මක කරන අතර ඉන්පසුව පාරිභභෝගික කටයුතු පිළිබඳ අධිකාරියේ විමර්ශන නිලධාරින් විසින් වෙළඳපළ නිරීක්ෂණ කටයුතු ආරම්භ කරන අතර මෙම විධානය උල්ලංඝනය කරනු ලබන සියලු ම නිෂ්පාදකයන්, ආනයනකරුවන් , බෙදාහරින්නන් හෝ වෙළෙන්ඳුන්ට එරෙහිව නීතිමය පියවර ගන්නා බව එම අධිකාරිය වැඩිදුරටත් දන්වා සිටී.

Facebook Comments

wedding people