පාස්කු ඉරුදින බෝම්බ ප්‍රහාරයෙන් පසුව ප්‍රතිසංස්කරණය කරන ලද කොළඹ කොච්චිකඩේ ශාත්න අන්තෝනි දේවස්ථානයේ පළමු දිව්‍ය මෙහෙය ජුනි 12 සන්ධ්‍යාවේ පවත්වන ලදී.
ප්‍රහාරයෙන් දිවි ගලවා ගත්තවුන් සහ දේශපාලකයන්ද ඇතුළු අති විශාල ජනකායක් සහභාගි වූ ත්‍රෛභාෂා දේවමෙහෙය පවත්වන ලද්දේ කොළඹ අගරදගුරු මැල්කම් රංජිත් කාදිනල්වරයාගේ ප්‍රධානත්වයෙනි.
අප්‍රේල් 21 ප්‍රහාරයෙන් දිවි තොරවූ 258 දෙනාගෙන් 54 දෙනකුම ජීවිතක්ෂයට පත්වුයේ කොච්චිකඩේ ශාන්ත අන්තෝනි දෙව් මැදුරේදීය.
හාස්කම් සහිත පුදබිමක් ලෙසින් කිතුනුවන් මතු නොව අන්‍යාගමිකයන්ගේද ගරු බුහුමන් ලද දේවස්ථානය 175 වසරක ඉතිහාසයක් පුරා විවර කර තිබු සිය දොරටු මුල් වරට වසා දැමුවේ බෝම්බ ප්‍රහාරයෙන් අනතුරුවය.
පුරාවෘත්ත වල මෙන්ම මීසමේ වාර්තා වල ද කියැවෙන පරිද්දෙන් ශාන්ත අන්තෝනි දේවස්ථානය පිහිටුවන ලද්දේ දකුණු ඉන්දියාවේ කොචින් සිට පැමිණි අන්ටෝනියෝ පියතුමන් විසිනි.
කොච්චිකඩේ ශාත්න අන්තෝනි දේවස්ථානයේ වාර්ෂික මංගල්‍ය ජුනි 13 වනදා පැවැත්වේ.
Facebook Comments
