ශ්‍රී ලංකා පාර්ලිමේන්තුවේ හා මන්ත්‍රීවරුන්ගේ ආරක්ෂාව සඳහා චීන රජය විසින් රුපියල් හය කෝටියක් පමණ වටිනා ආරක්ෂක උපකරණ තොගයක් ලබා දී තිබේ.
ජංගම එක්ස්-කිරණ යන්ත්‍ර තුනක් සහ ලෝහ අනාවරක යන්ත්‍ර පහක් චීන රජය වෙනුවෙන් චීන සමූහාණ්ඩුවේ තානාපති චෙන්ග් ෂුයුආන් විසින් ශ්‍රී ලංකා කථානායක කරු ජයසූරිය වෙත 2019 ජූනි මස 19 වැනි දින බාරදෙන ලද බව පාර්ලිමේන්තුව නිවේදනය කර ඇත.
“හදිසි අවශ්‍යතාවයක් සපුරාලමින් චීන රජයෙන් ලබාදුන් මෙම ආරක්ෂක උපකරණ මගින් පාර්ලිමේන්තුවේ සහ මන්ත්‍රීවරුන්ගේ ආරක්ෂාව තහවුරු කරනු ඇත” යි එම නිවේදනයේ වැඩිදුරටත් සඳහන් වේ.
Facebook Comments
