සජිත් “බලය බෙදීමට පක්ෂ” බවට බාහුගෙන් සහතිකයක් (VIDEO)

0
542
Ivory Agency Sri Lanka
HailHost
wedding people

ජාතීන් අතර බලය බෙදා රට එක්සත් කිරිමට එක්සත් ජාතික පක්ෂයේ ඉදිරි ජනපති අපේක්ෂකයා විය යුතු බවට යෝජනා කෙරෙන අමාත්‍ය සජිත් ප්‍රේමදාස කැමැත්ත පළ කර ඇති බවට ස්වයං තීරණ අයිතිය වෙනුවෙන් සටන් වදින වාමාංශික නායකයකු ප්‍රකාශ කර තිබේ.

“ඔහුට විරුද්ධව තිබුණ කතාව තමයි ඔහු ජාතික ප්‍රශ්නයට අවධානයක් නෑ කියන එක. මේ ගැන අපි හොයලා බැලුවාම එතුමා අපිට කිව්වා මම ලෑස්තියි බලය බෙදා රට එක්සත් කරන එකට මගෙ එකඟත්වය තියෙනවා කියලා. මම මේ රටේ ඈත ඉඳලම ඉන්න ජාතීන් පිළිගන්නවා. නමුත් මම රට බෙදනවා නම් කැමති නෑ කිව්වා,” යැයි නව සම සමාජ පක්ෂ නායකයා පැවසීය.

මාකස්වාදීන් ලෙස රට බෙදීය යුතු යැයි නොකියන නමුත් සාධාරණ පදනමකින් යුතුව අනෙක් ජාතීන්ද පාලනයට හවුල් කර ගත යුතු බව අමාත්‍ය සජිත් ප්‍රේමදාස වෙත පෙන්වා දුන් බව ආචාර්ය වික්‍රමබාහු කරුණාරත්න කියා සිටියේය.

කෙසේ නමුත් සජිත් ප්‍රේමදාස ඉදිරි එජාප ජනපති අපේක්ෂයා ලෙස මංගල සමරවීර ඇමැතිවරයා යෝජනා කිරීමෙන් පසුව ජාතීවදී, ආගම්වාදී ලෙසින් හා කුලවාදී ලෙස ඔහුට එල්ල කරන විවේචන ගැන සිය දැඩි අප්‍රසාදය පළ කළේය.

ඉදිරි ජනපතිවරණය ෆැසිස්ට්වාදය පරාජය කිරීමේ සටනක් බව කී නසසප නායක ආචාර්ය වික්‍රමබාහු ප්‍රජාතන්ත්‍රවාදී නිදහස වෙනුවෙන් ඉදිරිපත් වන බලගතුම පුද්ගලයා හට සිය සහාය හිමි වන බව ද අවධාරණය කරන ලදී.

“අපිට සජිත් ප්‍රේමදාස මැතිතුමා තිබුණ ප්‍රශ්නය ඔහු ජාතික ගැටලුව ගැන ගන්නා පියවර කුමක්ද කියන එකයි. අපිට එජාපය එක්ක අර්ථික ක්‍රමය ගැන ධනේෂ්වර ආර්ථික ක්‍රමය ගැන සාකච්ඡා කරන්න අවශ්‍යතාවයක් නෑ. ඒවා උඩ නෙමේ අපි එකතු වෙලා සටන් කරන්නෙ. මේකෙදි අපිට සමාජවාදයවත්, මාක්ස්වාදයවත්, කොමියුනිස්ට්වාදයවත් සඳහා සටනක් නෙමෙයි. ජාතිවාදය, ෆැසිස්ට්වාදය පරාජය කිරිමේ සටන තමයි අපිට අවශ්‍ය වෙලා තියෙන්නේ.”

19 වන ව්‍යවස්ථා සංශෝධනය අනුව අගමැතිවරයාට වැඩි බලතල හිමිවීම නිසාවෙන් ඉදිරි ජනාධිපතිවරනයට ඉදිරිපත් විය යුත්තේ රනිල් වික්‍රමසිංහට පහලින් සිටින තැනැත්තකු බව ද ආචාර්ය වික්‍රමබාහු කරුණාරත්න වැඩි දුරටත් කියා සිටියේය.

Facebook Comments

HailHost