සජිත් ප්‍රේමදාස අමාත්‍යවරයා හට එක්සත් ජාතික පක්ෂ ජනපති අපේක්ෂකත්වය ලබා ගැනීමට හැකි වීම “යුද්ධයක් ජයග්‍රහණය” කිරිමක් හා සමාන බව එජාපයේ ප්‍රබල පසුපෙල මන්ත්‍රීවරයෙකු පවසයි.
පක්ෂයෙත් මහජනතාවගෙත් හෙට දවස වෙනුවෙන් සජිත් අමාත්‍යවරයා ජනපති ධුරයට පත් කිරීමට කැප වී කටයුතු කරන බවයි පුත්තලම් දිස්ත්‍රික් පාර්ලිමේන්තු මන්ත්‍රී හෙක්ටර් අප්පුහාමි සඳහන් කරන්නේ.
“අපි ලොකු යුද්දයක් කරලා සජිත් ඇමැතිතුමාව මෙතනට ගෙනාවේ. දැන් අපි මේක දිනලා ඉවරයි. මේ රටේ අනාගත ජනාධිපති වෙන්නේ එතුමා. නායකතුමාගේ අශිර්වාදයෙන් අපි සජිත් ඇමැතිතුමාව මේ රටේ ජනාධිපති පුටුවේ වාඩි කරවනවා.” යි අප්පුහාමි මන්ත්‍රීවරයා පැවසීය.
එක්සත් ජාතික පෙරමුණේ ජනපති ධුර අපේක්ෂකයා ලෙස සජිත් ප්‍රේමදාස අමාත්‍යවරයා 26 බුහස්පතින්දා පක්ෂ කෘත්‍යාධිකාරි මණ්ඩලය විසින් ඒකමතිකව පත් කරනු ලැබීය.
සජිත් ප්‍රේමදාස අමාත්‍යවරයා වෙනුවෙන් එජාප පසුපෙල සංවිධානය කරන ලද්දේ හෙක්ටර් අප්පුහාමී මන්ත්‍රීවරයා බවයි එම පක්ෂයේ ආරංචි මාර්ග පවසන්නේ.
Facebook Comments
