ජාතික ගැටලුවට විසඳුමක් ලෙස බලය බෙදා හැරීමට කෙරෙන යෝජනා සම්බන්ධයෙන් දේශපාලන අදහස් පළකරමින් එය බෙදුම්වාදී මතයක් බව ආරක්ෂක ලේකම්වරයා විදෙස් හමුදා ප්‍රධානියකු හමුවේ කියා තිබේ.
ශ්‍රී ලංකා හමුදාව එල්ටීටීඊ ත්‍රස්තවාදය හමුදාමය වශයෙන් මුළුමනින්ම පරාජය කළද දෙමළ දේශපාලනඥයින් විසින් බෙදුම්වාදී මතවාදයන් දෙමළ ජනතාවගේ මනසට කාවැද්දීමට උත්සාහ කරමින් සිටින බවයි ආරක්ෂක ලේකම් මේජර් ජෙනරාල් කමල් ගුණරත්න පවසන්නේ.
බහුතරයක්වූ දෙමළ ජනතාවගේ අභිලාෂයන් එම දේශපාලනඥයන්ගේ මතවාදයන්ට වඩා වෙනස් බව පවසන ආරක්ෂක ලේකම්වරයා දෙමළ ජනතාවට වෙනම රටක් අනවශ්‍ය බව සැම්බියානු යුද්ධ හමුදාධිපති ලුතිනන් ජෙනරාල් ඩබ්ලිව්.එම්. සිකාස්වේ හමුවු අවස්ථාවේ ප්‍රකාශ කර ඇත.
“එල්ටීටීඊ ත්‍රස්තවාදයෙන් පීඩාවට පත් අහිංසක දෙමළ ජනතාවට වෙනම රටක් අවශ්‍ය නැති නමුත් සමහර දෙමළ දේශපාලනඥයින්ට බලය බෙදා හැරීමට අවශ්‍යය”
යුද්දයේ අවසන් භාගයේදී එල්ටීටීඊ සංවිධානය සම්ප්‍රදායෙන් බැහැර වූ යුද උපක්‍රම භාවිතා කල බවත් එබැවින් ශ්‍රී ලංකා හමුදාවන්ටද තමන්ගේම නව්‍යකරණයවූ යුද උපක්‍රම නිර්මාණය කර ගැනීමට සිදු වූ එවක යුද පෙරමුණේ සෙන්පතියෙක්ව සිටි වත්මන් ආරක්ෂක ලේකම් මේජර් ජෙනරාල් කමල් ගුණරත්න මෙහිදී වැඩි දුරටත් ප්‍රකාශ කර ඇත.
Facebook Comments
