දිවයිනට බලපා ඇති අධික වැසි සහිත කාලගුණ තත්වය හමුවේ රටේ දිස්ත්‍රික්ක 17 ට අයත් පවුල් 59269 ක පුද්ගලයන් 207582 ක් පීඩාවට පත්ව ඇති අතර ඉන් අඩකටත් වැඩි සංඛ්‍යාවක් පීඩාවට පත්ව ඇත්තේ නැගෙනහිර පළාතේ අම්පාර දිස්ත්‍රික්කයේය.
එම දිස්ත්‍රික්කයේ කාරතිව්හි ට්‍රැක්ටරයක් ගංවතුරට ගසාගෙන යාමෙන් මියගිය දරුවකු ඇතුළු සිව්දෙනකුගේ සිරුරු ගොඩගන්නා ලද බව පොලිසිය පවසයි. තවත් සිව් දෙනකු තවමත් ආගිය අතක් නැත.
ආපදා කළමනාකරණ මධ්‍යස්ථානය නොවැම්බර් 27 වැනි බදාදා පෙරවරු 9 ට නිකුත් කළ දෛනික තත්ව වාර්තාවට අනුව නැගෙනහිර පළාතේ පවුල් 36811 ට අයත් පුද්ගලයන් 129531 ක් පීඩාවට පත්ව සිටින අතර අම්පාර දිස්ත්‍රික්කයේ පමණක් පවුල් 34885ට අයත් පුද්ගලයන් 123876 ක් පීඩාවට පත්ව සිටිති.
නැගෙනහිර පළාතේ ආරක්ෂිත ස්ථාන 55 ක පවුල් 2131 ට අයත් පුද්ගලයන් 6835 ක් රදවා සිටින බවයි ආපදා කළමනාකරණ මධ්‍යස්ථානය පවසන්නේ.
මහ වැසි හේතුවෙන් දිවයිනේ දෙවැනියට වැඩිම බලපැමක් එල්ල වී ඇත්තේ උතුරු පළාතේ මන්නාරම දිස්ත්‍රික්කයටයි.
එම දිස්ත්‍රික්කයේ පවුල් 14237 ට අයත් පුද්ගලයන් 49560 ක් පීඩාවට පත්ව සිටින ආරක්ෂිත ස්ථාන 25 ක 672 පවුල් ට අයත් පුද්ගලයන් 2264 ක් රදවා සිටි.
උතුරු පළාතේ යාපනය දිස්ත්‍රික්කයේ පවුල් 2706 ට අයත් පුද්ගලයන් 9642 ක් පීඩාවට පත්ව ඇති අතර ආපදා කළමනාකරණ මධ්‍යස්ථානය පවසන්නේ මහ වැසි හේතුවෙන් උතුරු පළාතේ පීඩාවට ලක්ව සිටින ගණන පවුල් 17922 ට අයත් 62505ක පිරිසක් බවයි.
ආපදා කළමනාකරණ මධ්‍යස්ථානයට අනුව අනුරාධපුර දිස්ත්‍රික්කයේ පුද්ගලයන් 5451 ක්, බදුල්ල දිස්ත්‍රික්කයේ පුද්ගලයන් 1861 ක්, සහ නුවර එළිය දිස්ත්‍රික්කයේ පුද්ගලයන් 546 ක් පීඩාවට ලක්ව සිටි.
වර්ෂාවෙන් දැඩි බලපෑම් එල්ල වු දිවයිනේ දිස්ත්‍රික්ක 17 ක් පුරා පිහිටුවා ඇති ආරක්ෂිත ස්ථාන 101 ක පවුල් 3102 ට අයත් පුද්ගලයන් 10137 ක් රදවා සිටින අතර අර්ධ හානි සිදුව ඇති නිවාස ගණන 561 කි.
දිස්ත්‍රික් ආපදා කළමනාකරණ මධ්‍යස්ථානය ඇමතුම් අංක මෙතනින්,
Facebook Comments
