ශ්‍රී ලංකාවේ අගනුවරින් හමුවූ පළමු සමූහ සුසානයට හය මාසයකට පසු කාලගුණ ආවරණයක් සපයා තිබේ. වල තුල වතුර එක්රැස් වී තිබෙනු ඊට පෙරදා දැකගන්නට ලැබුණි.
අව්වෙන්, වැස්සෙන් ආරක්ෂාවීම සඳහා බ්‍රහස්පතින්දා (30) සිට කූඩාරමකින් සෙවන දෙන ලද කොළඹ වරාය සමූහ මිනීවලෙන් මිනිස් ඇටසැකිලි තුනක් පාදාගත් වෝහාරික පුරාවිද්‍යාඥ රාජ් සෝමදේව ප්‍රමුඛ පර්යේෂකයෝ තවත් සිරුරු හමුවනු ඇති බවට විශ්වාස කරති.
ඉකුත් ජූලි මාසයේ අහම්බෙන් සොයාගන්නා ලද වලේ අදියර දෙකක කැනීම්වලින් මීට ඉහතදී පූර්ණ ඇටසැකිලි තුනක් වත් ගොඩගෙන තිබේ.
තුන්වැනි අදියර ආරම්භ වූයේ සඳුදා (27) ය. අලුතින් ඇටසැකිලි මතුකර ගන්නා ලද්දේ එතෙක් කැන තිබු වලට මායිම් කොට හාරාගන්නා ලද දෙවැනි වලෙනි. පළමු වලේ විමර්ශන තාවකාලිකව අත් හිටුවා තිබේ.
සුසාන භූමිය නිරීක්ෂණය සම්බන්ධයෙන් මෙතෙක් නොපැවති සීමාවක් පනවා තිබෙන පොලිසිය විසින් පැමිණෙන්නන්ට ඇතුල්වීමට අවසර දී ඇත්තේ දවල් කෑම පැයේදී හා කැනීම් හමාරවූ පසු පමණකි.
එක්සත් ජාතීන්ගේ සංවිධානය, අතුරුදහන් තැනැත්තන් පිලිබඳ කාර්යාලය, මානව හිමිකම් සහ සංවර්ධන මධ්‍යස්ථානය සහ අතුරුදහන් වූවන්ගේ පවුල් එකතුව මෙන්ම නීතිඥයන් සහ මාධ්‍යවේදීන් ද නිරීක්ෂණයේ යෙදී සිටිති.
Facebook Comments
