යහපාලන ආණ්ඩුව නියෝජනය කරන මෛත්‍රීපාල සිරිසේන ජනාධිපතිවරයාගේ පිරිස හා අග්‍රාමාත්‍ය රනිල් වික්‍රමසිංහට විරෝධය දක්වන පිරිස එක්ව වෙනත් අගමැතිවරයෙක් සහිතව ආණ්ඩුවක් පිහිට වීමට කටයුතු කරන්නේ නම් තම පක්ෂය ඇතුළු ඒකාබද්ධයේ සහයෝගය ඊට ලබා දෙන බව පාර්ලිමේන්තු මන්ත්‍රී වාසුදේව නානායක්කාර පවසනවා.
පවතින ආණ්ඩුව හැකි ඉක්මනින් වෙනසකට ලක් විය යුතු බවත් ආණ්ඩුව යනුවෙන් සියලු දෙනාගේ එකතුවක් දැක්වුව ද සිදුවිය යුත්තේ රනිල් වික්‍රමසිංහ ප්‍රමුඛ ආණ්ඩුවේ වෙනස් වීමක් පමණක් බවට මන්ත්‍රී වාසුදේව ප්‍රකාශ කර සිටියේ අද (23) පැවති ප්‍රජාතන්ත්‍රවාදී වාමාංශික පෙරමුණේ මාධ්‍ය හමුවකට එක් වෙමින්ය.
අග්‍රාමාත්‍යවරයා අද වන විට සමාජ විරෝධි ආකල්පයන් රට තුළ දියත් කරමින් සිටින බව පවසන මන්ත්‍රීවරයා අගමැතිවරයා ඉවත් කිරීමට යොමුවන ඕනෑම විටක තමන් ඇතුළු ඒකාබද්ධය එයට සහයෝගය ලබා දෙන බව මෙහිදී සඳහන් කළේය.
රජය විසින් සර්ව ජන ඡන්ද බලය අහිමි කිරීමේ උත්සහයක් දරණ බවත් එය ජීවිතය අහිමි වීමකට සමාන බව පෙන්වා දෙන වාසුදේ නානායක්කාර මන්ත්‍රීවරයා ඡන්ද අයිතිය ලබා ගැනීම වෙනුවෙන් තමා කැපවෙන අතර මේ වසර අවසන් වීමට පෙර රජය ඡන්ද බලය ලබා දීමට කටයුතු නොකරන්නේ නම් ආණ්ඩුවට පැවතිය නොහැකි ලෙස ජාතික විරෝධතාවයකට කටයුතු සංවිධානය කරන බව වැඩිදුරටත් අවධාරණය කළේය.
Facebook Comments
