සම්මානලාභී ප්රවීණ සිනමා නිළි ස්වර්ණා මල්ලවආරච්චිගේ සිනමා ජීවිතයට වසර 50ක් සපිරීම නිමිත්තෙන් වූ උපහාර උත්සවයක් ජනාධිපති මෛත්රීපාල සිරිසේනගේ ප්රධානත්වයෙන් ඊයේ (26) පස්වරුවේ ජාතික චිත්රපට සංස්ථාවේ තරංගනී ශාලාවේ දී පැවැත්විණි.
අඩ සියවසක සිය සිනමා රංගන ජීවිතය තුළ ස්වර්ණා මල්ලවආරච්චි ශ්රී ලාංකේය සිනමාවට සිදු කළ සේවාව අගයමින් උපහාර තිළිණයක් පිළිගැන්වීම මෙහිදී ජනාධිපතිතුමා අතින් සිදු විය.
“සිනමාවේ ගැහැණිය ස්වර්ණා මල්ලවආරච්චි පනස් වසරක සිනමාභිමානය” සමරු ග්රන්ථය ස්වර්ණා මල්ලවආරච්චි විසින් ජනාධිපතිතුමා වෙත පිළිගැන්වීමද මෙහිදී සිදු වු බවයි ජනාධිපති මාධ්ය අංශය පවසන්නේ.
ස්වර්ණා මල්ලවආරච්චි ශ්රී ලාංකික රසිකයින්ගේ පමණක් නොව ජාත්යන්තරව ද ආදරය දිනාගත් විශිෂ්ට සිනමා චරිතයක් බවයි එම උත්සාභාව ඇමති ජනාධිපති මෛත්රීපාල සිරිසේන පවසා ඇත්තේ.
ලාංකීය සිනමා ක්ෂේත්රයේ උන්නතිය වෙනුවෙන් තවත් විශිෂ්ට සේවාවක් ඉටුකිරීමට එතුමියට හැකිවේවායි ද ජනාධිපතිතුමා මෙහිදී සිය සුභාශීංසන රංගවේදිනිය වෙත පළ කර තිබේ.
ජනමාධ්ය අමාත්ය ගයන්ත කරුණාතිලක, නියෝජ්ය අමාත්ය කරුණාරත්න පරණවිතාන සහ සිනමා අධ්යක්ෂවරුන්, සිනමා රංගන ශිල්පීන්, කලාකරුවන් ඇතුළු සම්භාවනීය ආරාධිතයින් රැසක් මෙම උත්සවයට එක්ව ඇත.
Facebook Comments
