රුසියාවේ ශාන්ත පීටර්ස්බර්ග් නුවර උමං දුමිරිය මාර්ගයක සිදුවු පිපිරීමට සම්බන්ධ ප්‍රධාන සැකකරු මැදපෙරදිග සිට රුසියාවට පැමිණි අයෙක් බවට එරට ආරක්ෂක අංශ තහවුරු කර ගෙන ඇත.
මෙම සැකකරු අවුරුදු 20 පමණ පුද්ගලයෙක් බව මෙන්ම මෙම පුහාරයක් මරාගෙන මැරෙන පුහාරයක් විය හැකි බවටයි විදෙස් මාධ්‍ය වාර්තා කරන්නේ.
රුසියාවේ ශාන්ත පීටර්ස්බර්ග් නුවර උමං දුමිරිය මාර්ගයක සිදුවු පිපිරීමෙන් පුද්ගලයන් 11 දෙනෙක් මිය ගොස් 50 දෙනෙක් පමණ තුවාල ලබා ඇති අතර මිය ගිය අය වෙනුවෙන් දින 3 ශෝක කාලයක් ප්‍රකාශයට පත් කිරීමට රුසියාව තීරණය කළේය.
සිද්ධිය සම්බන්ධනිවේදනයක් නිකුත් කල රුසියානු ජනපති විලැඩ්ම්ර් පුටීන් සිද්ධිය සම්බන්ධ පුර්ණ පරික්ෂණයක් පවත්වන බවට පොරොන්දු වී ඇති අතර එරට ආරක්ෂ අංශ සැක පළ කරන්නේ ප්‍රහාරය ත්‍රස්තවාදී ක්‍රියාවක් බවටයි.
Facebook Comments
