දකුණු චීනය හරහා හමාගිය ප්‍රබල සුළි කුණාටුවක් නිසා 12 දෙනකු ජිවිතක්ෂයට පත්ව තිබේ.
ග්වාන්දොන් පළාතේ සුහායි නුවරින් 23 බදාදා දහවල රට තුලට ඇතුල් වූ කුණාටුවෙන් සියගණනක් තුවාල ලබා ඇතැයි එරට මාධ්‍ය වාර්තා කරයි.
“හතෝ” ලෙස නම් කළ සුළි සුළඟ නිසා මුහුදට ආසන්න මාර්ගවල සුළු ගංවතුර තත්වයක් ද හටගෙන තිබේ.
කුණාටුව හේතුවෙන් පුද්ගලයන් 27,000 ක් පමණ ප්‍රදේශයෙන් ඉවත් කළ බව එරට ප්‍රාදේශීය මාධ්‍ය වාර්තා කර ඇත.
පැයට කිලෝමීටර 175 ක් තරම් උපරිම සුළං වේගයක් හතෝ කුණාටුවෙන් වාර්තා වූ බව පවසන හොංකොං කාලගුණ විද්‍යා දෙපාර්තමේන්තුව මේ වනවිට කුණාටුවේ වේගය අඩු වෙමින් පවතින බවද පවසයි.
ජපන් බසින් හතෝ ලෙස හඳුන්වන්නේ පරවියායි.
Facebook Comments
