වසර 2020 නායකයා කවුද යන්න සිරස්තලය යටතේ 03 වන ඉරිදා මව්බිම පුවත්පතේ පල වු ප්‍රධාන පුවතට කොළඹ විශ්ව විද්‍යාලයේ කිසිඳු සම්බන්ධයක් නොමැති බව එම විශ්ව විද්‍යාලය නිවේදනය කරයි.
‘2020 නායකයා කවුද – කොළඹ විශ්වවිද්‍යාලය සමීක්ෂණයකින් හෙළි කරයි’යන ශීර්ෂ පාඨය සහිතව පල වු පුවතට තම විශ්ව විද්‍යාලයේ කිසිඳු සම්බන්ධයක් නොමැති බව මෙන්ම කොළඹ විශ්ව විද්‍යාලයෙන් එවැනි සමීක්ෂණයක් කර නැති වග කොළඹ විශ්වවිද්‍යාලයීය ජනමාධ්‍ය අංශය ප්‍රකාශ කර සිටී.
එහි සඳහන් වන පරිදි වසර 2020 දී මෙරට ජනාධිපතිවරයා විය යුත්තේ කවුරුන්ද – කෙබඳු නායකයකුද යන්න පිළිබඳව කොළඹ විශ්වවිද්යාලයේ ජනමාධ්‍ය අධ්‍යයන අංශය කිසිදු සමීක්ෂණයක් සිදු කර නැති බවත් එබඳු සමීක්ෂණයක් පිළිබඳව ජනමාධ්‍ය අධ්‍යයන අංශය, ශාස්ත්‍ර පීඨය හෝ විශ්වවිද්‍යාලය නිල වශයෙන් දැනුවත් කොට නැති බව කොළඹ විශ්වවිද්යාලයේ ජනමාධ්‍ය අංශ ප්‍රධානී මහාචාර්ය සමන්ත හේරත්ගේ අත්සනින් යුතුව නිකුත් කල නිවේදනයක දැක්වේ.
අදාළ පුවතේ සඳහන් පරිදි “කොළඹ විශ්වවිද්යාලයේ ජනමාධ්‍ය ඒකකය විසින් සිදුකරනු ලැබූ පර්යේෂණයකින්” යනුවෙන් දැක්වීම හා ශීර්ෂ පාඨයෙහි ‘කොළඹ විශ්වවිද්‍යාලය සමීක්ෂණයකින් හෙළි කරයි’යනුවෙන් දැක්වීම මගින් පාඨකයා නොමඟ යැවීමක් බවයි එම නිවේදනයෙන් වැඩි දුරටත් පෙන්වා දෙන්නේ.
Facebook Comments
