නව ව්‍යවස්ථාවක් සකසන බවට දුන් පොරොන්දුව සම්බන්ධයෙන් අගමැතිවරයා කිසිඳු වචනයක් හෝ ප්‍රකාශ නොකරන බවට දැනට පවතින ව්‍යවස්ථාවට එරෙහිව සටනක් දියත් කල වාමාංශික නායකයකු චෝදනා කරයි.
මැතිවරණයක් පවතින මොහොතක අගමැතිවරයාට එල්ල වන චෝදන වලට මුහුණ දීමට හැකි වන්නේ රට එක්සත් කර ඉදිරියට ගෙන යාමට සුදානම් වීම තුලින් බව නව සම සමාජ නායක ආචාර්්‍ය වික්‍රමබාහු කරුණාරත්න 24 බදාදා පැවැති මාධ්‍ය හමුවකදී පෙන්වා දුනි.
ජාතිය එක්සේසත් කර ගැනීමේ වැඩ පිළිවෙලක් නොමැතිව රටේ ආර්ථික සංවර්ධනය ගැන කතා කිරීම පලක් නොවන බව කී ආචාර්ය බාහු ජාතිවාදය, ආගම්වාදය ඇවිස්සීමෙන් බලයට පත් පිරිස් ඔවුන්ගේ උවමනාවන් උඩ කටයුතු කිරීම නිසා පසුගිය සමයේ රටේ ආර්ථිකය පණ ගැන්වීමට නොහැකි වු බව ද අවධාරණය කළේය.
ජනාධිපතිවරයා විසින් හොරු ඇල්ලීමට මුල් තැන දී තිබෙන අතර හොරු ඇල්ලීම සිදු කළ යුතු දෙයක් වුවත් රට විනාශ වුයේ හොරු නිසාදැයි ජනාධිපති මෛත්‍රීපාල සිරිසේනගෙන් ප්‍රශ්න කළ ආචාර්ය වික්‍රමබාහු කරුණාරත්න පසුගිය සමයේ ජාතිවාදීන් ආගම්වාදීන් බලයට පැමිණිම නිසා රටේ ජාතීන් අතර විශාල මත භේදයක් ඇති කර රට විනාශ වු බව වැඩි දුරටත් පෙන්වා දුනි.
ජේ.ආර් ජයවර්ධන පාලනය ශ්‍රී ලංකාවේ ව්‍යවස්ථාව විධායක ජනාධිපති ක්‍රමයට වෙනස් කිරීමට එරෙහිව කළු කොඩි ව්‍යාපාරයකට නායකත්වය දීම නිසා 1978 දී ආචාර්ය වික්‍රමබාහු කරුණාරත්න පේරාදෙණි විශ්ව විද්‍යාලයේ කථිකාචාර්ය ධුරයෙන්ද පහ කරන ලදී.
Facebook Comments
