ඉන්දීය කාශ්මීරයේ බෙදුම්වාදයට සහාය දක්වා පැවති උද්ඝෝෂණ අතරතුර සිවිල් වැසියන් සිව් දෙනකු මරුමුවට පත් වී තවත් නව දෙනකු තුවාල ලබා ඇති බව විදෙස් වාර්තා පවසයි.
ගල් මුල් ප්‍රහාර එල්ල කරමින් සිටි තරුණයන් කණ්ඩායමක් දෙසට ආරක්ෂක අංශ වෙඩි තබා ඇති අතර එම වෙඩි තැබීම සිදු කොට ඇත්තේ කැරලිකරුවන් බවට සැක කෙරෙන පිරිසක් විසින් පොලිස් නිලධාරියකු ඝාතනය කරනු ලැබීමෙන් දිනකට පසුවයි.
ජනතාව අතර ප්‍රචලිත තරුණ කැරලි නායකයකු ආරක්ෂක අංශ විසින් පසු ගිය ජුලි මාසයේදී මරා දමනු ලැබීමත් සමග ඉන්දීය කාශ්මීරයේ උද්ඝෝෂණ ආරම්භ විය.
සති කීපයක් පුරා පැවති උද්ඝෝෂණ අතරතුර මරුමුවට පුද්ගලයන් සංඛ්‍යාව හැටකට අධික බවයි විදෙස් වාර්තා පවසන්නේ.
Facebook Comments
