ජාතික ආණ්ඩුවක් පිහිටුවීම කිසිඳු අයුරකින් නීති විරෝධී නොවුනද ආණ්ඩුව මේ මොහොත් උත්සහා දරමින් සිටින්නේ ඒ හරහා ඇමැති ධුර සංඛ්‍යාව වැඩි කර ගැනීමට බවට ජනතා විමුක්ති පෙරමුණ චෝදනා කරයි.
එක් මන්ත්‍රීවරයෙකු පමණක් සිටින මුස්ලිම් කොංග්‍රසය සමඟ එක්වී ජාතික ආණ්ඩුව යන නම භාවිත කරමින් නීතියෙන් රිංගායාමට එක්සත් ජාතික පක්ෂය කටයුතු කරන බවටයි පාර්ලිමේන්තු මන්ත්‍රී විජිත හේරත් පෙන්වා දෙන්නේ.
“දැන් මේ ආණ්ඩුව ව්‍යවස්ථාවේ ජාතික ආණ්ඩු කතාවෙන් රිංගලා ඇමතිධුර වැඩිකරගන්න උත්සාහයක නිරත වෙලා ඉන්නවා. පසුගිය ඔක්.26 කුමන්ත‍්‍රණයෙන් පස්සේ එජාපය තනි ආණ්ඩුවක් හැදුවා. නමුත් එජාප ආණ්ඩුව ඇතුළෙත් බරපතල අර්බුද මතුවෙමින් තිබෙනවා. තමන්ට ලැබුණු ඇමතිධුර පිළිබඳව විවිධ ඇමතිවරු අඳෝනා න`ගනවා. රවී වගේ මන්තී‍්‍රවරු තමන්ට මුදල් ඇමතිධුරය ලැබුණේ නැති එක ගැන විවිධ කතා කියනවා.”
පවතින ඇමැති පොරය හේතුවෙන් මෙතෙක් ඇතැම් අමාත්‍යංශ සඳහා ඇමැතිවරුන් මෙන්ම නිලධාරින්ද පත් කර නොමැති බව ජවිපෙ ප්‍රචාරක ලේකම් පාර්ලිමේන්තු මන්ත්‍රී විජිත හේරත් 01 සිකුරාදා පැවති මාධ්‍ය හමුවක දී කියා සිටියේය.
Facebook Comments
