පවතින අධික වියළි කාලගුණය හේතුවෙන් දිනපතා පැය 4ක් බැගින් විදුලිය කපා හැරීමට තීරණය කල බවයි ලංකා විදුලි බල මණ්ඩලය පවසනවා.
ඒ අනුව දිවා කාලෙයෙහිදී පැය තුනක් සහ රාත්‍රී කාලයේදී පැයක් වශයෙන් විදුලිය කපා හැරීමට නියමිතය.
දිවා කාලයේදී 08.30 – 11.30/ 11.30 – 02.30/ 02.30 – 05.30 යන කාල සීමා අතරින් එක් කාලයක විදුලිය කැපීම සිදු වනු ඇත.
රාත්‍රී කාලයේදී 6.30 – 7.30/ 7.30 – 8.30/ 8.30 – 9.30 යන කාල සීමා අතරින් එකක් වශයෙන් විදුලිය විසන්ධි කිරීම ක්‍රියාත්මක කරනු ලබයි.
දිවයින පුරා පවතින විදුලි බෙදාහැරීමේ උපපොළවල් මට්ටමින් මෙම විදුලි කපා හැරීම ක්‍රියාත්මක කිරීමට නියමිත බව ද විදුලි බල මණ්ඩලය නිවේදනය කරයි.
ඒ ඒ කාලසීමාවන් තුළ විදුලිය විසන්ධි කෙරෙන ප්‍රදේශ පිළිබඳව ඉදිරියේදී දැනුවත් කෙරෙනු ඇත.
දැනට පවතින විදුලි කප්පාදුව තවත් දින 10ක් තුළදී සම්පූර්ණයෙන්ම යථා තත්වයට පත් කිරීමට පියවර ගන්නා බව විදුලිබල හා බලශක්ති අමාත්‍ය රවී කරුණානායක ප්‍රකාශ කර තිබේ.
නොරොච්ච්ලේ විදුලි බලාගාරයේ ඇතිවූ බිඳවැටීම මෙන්ම මේ දිනවල පවතින අධික උෂ්ණ කාලගුණය නිසා විදුලි ඉල්ලුම 15%කින් පමණ වැඩිවීම ද මෙම විදුලි කප්පාදුවට බලපා ඇති බවයි අමාත්‍යවරයා පෙන්වා දෙන්නේ.
Facebook Comments
