වාස්ගේ පවුලටම සහ තවත් පිරිසකට අධි චෝදනා

මාලඹේ තොරතුරු තාක්ෂණ විද්‍යාලයේ සිසුවෙකු පැහැරගෙන ගොස් පහරදීමේ සිද්ධිය සම්බන්ධයෙන් චෝදනා ලැබූ විත්තිකරුවන්ට කොළඹ මහාධිකරණය හමුවේ නීතිපතිවරයා විසින් අද(19) අධි චෝදනා ගොනුකර තිබේ.

හිටපු නියෝජ්‍ය පොලිස්පති වාස් ගුණවර්ධන , ඔහුගේ පුත්‍රයා සහ බිරිඳ ඇතුළු විත්තිකරුවන් අට දෙනෙකුට එරෙහිව මෙසේ අධි චෝදනා ගොනුකර ඇත.

ඒ අනුව අදාළ නඩු විභාගය ලබන පෙබරවාරි 6, 7 සහ 8 දිනවල සිදුකිරීමට මහාධිකරණය නියම කළ බව අප වාර්තාකරු පවසයි.

මරණ දඞුවම නියමව සිටින වාස් ගුණවර්ධන සහ ඔහුගේ පුත්‍රයා හැර සෙසු විත්තිකරුවන් ඇප මත මුදාහැරීමට කොළඹ මහාධිකරණය නියෝග කර තිබේ.

මහාධිකරණය මගින්, රුපියල් 50,000ක මුදල් ඇපයක් සහ රුපියල් ලක්ෂ 5 බැගින් වූ ශරීර ඇප දෙකක් මත එක් එක් විත්තිකරුවන් මුදාහැරීමට නියෝග කර ඇත.