භාරත ඝාතනයට මරණ දඬුවම නියමවුවන්ගෙන් අභියාචනා

0

භාරත ලක්ෂ්මන් ප්‍රේචන්ද්‍ර ඝාතනය කළැයි මරණ දඬුවම් නියමවූ විත්තිකරුවන් තිදෙනෙකු එම නියෝගයට එරෙහිව ශ්‍රේෂ්ඨාධිකරණයට අද (20) අභියාචනා ඉදිරිපත් කර ඇත.

අනුර තුෂාර ද මෙල්, චමින්ද රවී ජයනාත් හෙවත් දෙමටගොඩ චමින්ද හා ඩී.එම් සරත් බණ්ඩාර යන තිදෙනා මෙලෙස අභියාචනා ඉදිරිපත් කර තිබේ.

අදාළ අභියාචනා ශ්‍රේෂ්ඨාධිකරණය වෙත ඉදිරිපත් කිරීමට ඔවුන්ගේ නීතිඥවරුන් මාර්ගයෙන් ඒවා කොළඹ මහාධිකරණය වෙත අද බාර දී ඇත.

මහාධිකරණ තීන්දුව නීතියට පටහැණි බවත්, සියලු චෝදනාවලින් තමන් නිදොස් කොට නිදහස් කරන ලෙසත්, මෙම අභියාචනා මඟින් ශ්‍රේෂ්ඨාධිකරණයෙන් ඉල්ලා ඇති බවටයි වාර්තා වන්නේ.

භාරත ලක්ෂ්මන් ප්‍රේමචන්ද්‍ර මහතා ඝාතනයට අදාළව මහාධිකරණය විසින් පසුගියදා පුද්ගලයින් 5 දෙනෙකුට මරණ දඬුවම නියම කරන ලදී.

කෙසේ වෙතත් නඩුවේ 11 වන විත්තිකරු වන හිටපු පාර්ලිමේන්තු මන්ත‍්‍රී දුමින්ද සිල්වා සිය තීන්දුව අභියෝගයට ලක් කරමින් අද අභියාචනා පෙත්සමක් ගොනු නොකළ අතර ඔහුගේ නීතිඥයින් පැවසුවේ ඉදිරි දිනක දී එම අභියාචනය ගොනු කරන බවයි.

Facebook Comments