PCR පරීක්ෂණ කර ඇත්තේ 40,000 කට පමණයි (VIDEO)

0
231
Ivory Agency Sri Lanka
HailHost
wedding people

ශ්‍රී ලංකාව තුල මේ දක්වා කොරෝනා රෝගී පරීක්ෂණ සිදු කර ඇත්තේ පුද්ගලයන් හතලිස් දහසකට ආසන්න පිරිසකගේ පමණක් බව වංසග රෝග විද්‍යා අංශය හෙලි කර තිබේ.

මෙරට තුල දැනට කර ඇති PCR පරීක්ෂණ එක් ලක්ෂ පනස් දහසකට ආසන්න ප්‍රමාණයට සමාන පුද්ගලයන් සංඛ්‍යාවක් පරීක්ෂා කර නැති බව එහි ප්‍රධානී වෛද්‍ය සුදත් සමරවීර ජු ලි 30 බ්‍රහස්පතින්දා මාධ්‍ය වෙත අනාවරණය කළේය.

“මේ වන විට එක් ලක්ෂ පනස් දහසකට අධික PCR පරීක්ෂණ කරලා තියෙනවා. හැබැයි මේ PCR පරීක්ෂණ එක් ලක්ෂ පනස් දාහ කියන්නේ පුද්ගලයෝ නෙමෙයි. මෙතන තියෙනවා එකම පුද්ගලයගේ අවස්ථා කිහිපයකදි කරපු PCR පරීක්ෂණ. ඒ වගේම රෝහලේ රෝගී වී අපි දැනගත්තට පස්සේ රෝගීයාව රෝහලෙන් නිදහස් කිරීමට පෙර PCR පරීක්ෂණ වතාවන් කිහිපයකදි කරනවා ඒවත් අඩංගුව තමයි මේ එක් ලක්ෂ පනස් දාහ තියෙන්නේ.”

කෙසේ වෙතත් මඟ හැරුණ රෝගියෙක් වෙතොත් ඔවුන් හඳුනා ගැනීමට සමාජ තුල සිදු කරනු ලබන PCR පරීක්ෂණ ලබන මාසයේ සිටි වැඩි කිරීම සිදු කරන බවද වෛද්‍ය සුදත් සමරවීර කියා සිටියේය.

සෑම සෞඛ්‍ය නිලධාරි කොට්ඨාසයක්ම මාසක් තුල ආවරණය වන ආකාරයට PCR පරීක්ෂණ තිස් හත් දහසක් පමණ සිදු කිරීමට සැලසුම් කර ඇති බව පවසන වංසගත රෝග විද්‍යා ඒකකයේ ප්‍රධානියා අධික අවදානම් සහිත ප්‍රදේශ වල පරීක්ෂණ වැඩි කිරීමටද කටයුතු කරන බව වැඩි දුරටත් සදහන් කළේය.

Facebook Comments

HailHost