කොරෝනා මරණයක් දැනුම් දෙන්න මාස තුනක් කල් ගනී

0

මිය ගිය පුද්ගලයකුගේ මරණයට හේතුව කොරෝනා වෛරසය ආසාදනය වීම බව තුන් මසකට පසුව සෞඛ්‍ය සේවා අධ්‍යක්ෂ ජනරාල්වරයා විසින් තහවුරු කර තිබේ.

පසුගිය දෙසැම්බර් මාසයේදී කොරෝනාබාධිතව මියගොස් ඇත්තේ මාවනැල්ල ප්‍රදේශයේ පුද්ගලයෙකි.

“මාවනැල්ල ප්‍රදේශයේ පදිංචි 35 හැවිරිදි පිරිමි පුද්ගලයෙකි. 2020 දෙසැම්බර් මස 29 දින මාවනැල්ල මුලික රෝහලට ඇතුලත් කරන අවස්ථාවේදී මිය ගොස් ඇත. මරණයට හේතුව ලෙස දැක්වෙනුයේ කොවිඩ් ආසාදනය සහ උග්‍ර දියවැඩියා තත්වයයි,” යනුවෙන් රජයේ ප්‍රවෘත්ති අධ්‍යක්ෂ ජනරාල් (වැඩ බලන) රුවන් සත්කුමාර මාර්තු 28 ඉරිදා නිකුත් කළ ප්‍රවෘත්ති නිවේදනයක දැක්වේ.

පෙබරවාරි මාසයේ කොරෝනාබාධිතව මිය ගිය තවත් පුද්ගලයකුගේ මරණය දැනුම් දී ඇත්තේත් එම නිවේදනය මගිනි.

“කොළඹ 15 ප්‍රදේශයේ පදිංචි 60 හැවිරිදි පිරිමි පුද්ගලයෙකි. මාවනැල්ල මුලික රෝහලට ඇතුලත් කරන අවස්ථාවේදී පෙබරවාරි මස 01 වන දින මියගොස් ඇත. මරණයට හේතුව ලෙස දැක්වෙන්නේ කොවිඩ් ආසාදිත තත්වය සහ නිදන්ගත වකුගඩු රෝගී තත්වයයි.”

රජයේ ප්‍රවෘත්ති දෙපාර්මේන්තුව පවසන පරිදි 2021 මාර්තු 28 වන විට ශ්‍රී ලංකාවෙන් වාර්තාවන මුළු කොව්ඩ් 19 ආසාදිත රෝගීන්ගේ මරණ සංඛ්‍යාව 561 කි.

මාර්තු 28 ඉරිදා රාත්‍රි 1145 වන විට මෙරටින් තහවුරු කරන ලද කොරෝනා වෛරස් ආසාදිත මුළු රෝගීන් ගණන 92088කි.

සුවය ලබා රෝහලින් පිටවු මුළු රෝගීන් ගණන 88623 ක් වන අතර රෝහල් වල ප්‍රතිකාර ලබමින් සිටින ගණන 2904 ක් බව රජය වැඩි දුරටත් සදහන් කරයි.

Facebook Comments

wedding people