ආණ්ඩුවේ මන්ත්‍රී පිරිසක් විපක්ෂයට ?

පාර්ලිමේන්තුව නියෝජනය කරන ආණ්ඩු පක්‍ෂයේ පිරිසක් විපක්ෂයට එක්වීමේ සූදානමක් ඇතැයි ආණ්ඩු හිතවාදී වෙබ් අඩවියක් වාර්තා කර තිබේ.

ඔවුන් විපක්ෂයට ගොස් විපක්ෂයේ ස්වාධීන වෙනු ඇතැයි කොළඹ කේන්ද්‍රීය දේශපාලන කවයන්හි යම් මට්ටමක සාකච්ඡාවක් සිදු වෙමින් ඇති බවයි ලංකා සී නිවුස් වෙබ් අඩවිය වාර්තා කරන්නේ.

කොළඹ ප්‍රදේශයේ ප්‍රධාන විහාරස්ථානයක හිමි හිමිනමක්ද මේ සම්බන්ධයෙන් සමීපව කටයුතු කරන බවද එම වාර්තාවේ සඳහන් කර ඇත.

කෙසේ වෙතත් මෙම පිල්මාරුව සිදුවන දින වකවානුවක් ගැන පැහැදිලි තොරතුරු අනාවරණය වී නොමැති බවයි එම වෙබ් අඩවිය වැඩි දුරටත් පවසන්නේ.