දෙමළ සිරකරුවරුන්ට මරණීය තර්ජනය කළ රාජ්‍ය ඇමැතිවරයකුට මඩකලපුවේ සංචාරයට ඇරයුම් කිරීම ගැන ප්‍රශ්න ඇසු මාධ්‍යවේදියකුට ප්‍රදේශයේ දේශපාලඥයෙක් බැන වැදී තිබේ.
නිදහස් මාධ්‍යවේදී පුන්නියමුර්ති සසීකරන්ට රාජ්‍ය අමාත්‍ය එස්.වියාලේන්දිරන් බැන වැදී ඇත්තේ අනුරාධපුර සිරගෙදරදී දෙමළ සිරකරුවන්ට මරණීය තර්ජන එල්ල කිරීම නිසා ඉල්ලා අස්වන්නට බලකෙරුණු රාජ්‍ය ඇමැති ලොහාන් රත්වත්තේට මඩකලපුවේ සංචාරයට ඇරයුම් කළේ කවුදැයි ඉකුත් [27] දා පැවති මාධ්‍ය හමුවේදී නගන ලද ප්‍රශ්නයකින් අනතුරුවය.
මඩකලපු දිස්ත්‍රික්කයේ ක්‍රියාශීලි මාධ්‍යවේදියෙක් මෙන්ම මාධ්‍යවේදීන්ගේ අයිතීන් වෙනුවෙන් පෙනී සිටින මාධ්‍ය සංගම් ක්‍රියාධරයෙක් ද වන පුන්නියමුර්ති සසීකරන්ගේ ප්‍රශ්න කිරීම රාජ්‍ය අමාත්‍යවරයාගේ කෝපයට හේතුවී ඇත.
සසීකරන්ගේ පුවත් වාර්තා කිරීම් හේතුවෙන් ඔහු නිරන්තරයෙන් පොලිසියට කැඳවා ප්‍රශ්න කෙරෙන අතර ඔහු පවසන පරිදි මළවුන්ගේ අනුස්මරණයක් වාර්තා කිරීම හේතුවෙන් ඉකුත් ජුලි හා අගෝස්තු මාසවලදී දෙවතාවක් පොලිසියට කැඳවා තිබේ.
මඩකලපුව මාධ්‍ය සමාජය ප්‍රකාශ කර ඇති ආකාරයට සසීකරන් අවසන් වරට පොලීසියට කැඳවා ඇත්තේ සැප්තැම්බර් 14 වැනිදා `සිලෝන් නිවුස්` වෙබ් අඩවියේ පළවූ පුවතක් ගැන ප්‍රශ්න කිරීමටය.
Facebook Comments
