බාල වයස්කාර දරුවෙකුට අතවර කිරීම සම්බන්ධයෙන් චෝදනා ලැබ මේ වන විට ඇප පිට නිදහස්ව සිටින විහාරාධිපති හිමිනමක් විහාරස්ථානයෙන් ඉවත් කරන ලෙස නායක හිමිවරුන්ට බලකරමින් මඩකලපුවේදී විරෝධතාවයක් දියත් කර කර තිබේ.
පළාත් බද වාර්තාකරුවන් පවසන්නේ එරාවුර් පොලිස් වසමේ පුන්නක්කුඩා විහාරාධිපති හිමියන්ට එරෙහිව දෙසැම්බර් 12 වැනි ඉරිදා ගම්වැසියන් පිරිසක් විරෝධතාවය දියත් කළ බවයි.
“ළමා අපයෝජක චීවරධාරී දඔගල්ල වනරතන පන්නා දමමු ” යනුවෙන් සදහන් බැනරයක් ප්‍රදර්ශනය කරමින් විරෝධතාවය දියත් කළ සිංහල ගම් වැසියන් අවධාරණය කළේ රටේ මහනායක හිමිවරුන්ගේ දැන ගැනීම සදහා මෙවැනි විරෝධතාවයක් දියත් කරන බවයි.
විහාරාධිපති හිමියන්ගේ විනය විරෝධි ක්‍රියා පිළිබදව දිගින් දිගටම මහානායක හිමිවරුන් දැනුවත් කර ලිපි යොමු කරත් මහනායක හිමිවරුන් ඒ සම්බන්ධයෙන් කිසිදු අවධානය යොමු නොකළ බවට චෝදනා කරන ගම් වැසියෙක් වැඩි දුරටත් අවධාරණය කලේ එහි ප්‍රතිළුලයක් ලෙස කුඩා දරුවෙකු අපචාරයට ගොදුරු වු බවයි.
“අවුරුදු 11 ක පොඩි දරුවෙක් පරිවාසයේත් වනරතන චීවර ධාරියා සිරබත් කන්නටත් සිදු උනේ මේ නායක හාමුදුරුවන්ගේ තිබිච්ච නොසැලකිලිමත් කම නිසා”
විහාරාධිපති හිමියන් විසින් තමන් දිගු කලත් තිස්සේ අතවරයට ලක් කරන බවට එම විහාරස්ථානයේ අධ්‍යාපනය ලබන අවුරුදු 11 ක කුඩා දරුවෙකු අගොස්තු 25 වැනිදා දහවල් එරාවුර් පොලීසියට පැමිණිලි කර තිබුනි.
සැකකාර හිමිනම අත්අඩංගුවට ගත් එරාවුර් පොලිසිය විහාරාධිපති හිමියන් අගෝස්තු 26 වැනි බ්‍රහස්පතින්දා මුල්වරට අධිකරණයට ඉදිරිපත් කළේය.
ගම් වැසියන් පවසන පරිදි විහාරාධිපතිහිමියන් මේ වන විට ඇප පිට නිදහස් ව සිටි.
විරෝධතාකරුවන් නාහිමිවරුන්ගෙන් ඉල්ලා සිටින්නේ වනරතන හිමියන් ඉවත් කර සිල්වත් භික්ෂුවක් සිය විහාරස්ථානය සදහා ලබා දෙන ලෙසයි.
Facebook Comments
