පාර්ලිමේන්තුවේ පක්ෂ නායකයන් ගනු ලබන තීන්දුවකට තමන් එකඟ වන බව ජනාධිපතිවරයා දන්වා තිබේ.
ජනාධිපති ගෝඨාභය රාජපක්ෂ විසින් රනිල් වික්‍රමසිංහ වෙත මේ බව දැනුම් දුන් බවයි අගමැති කාර්යාල ආරංචි මාර්ග පවසන්නේ.
ඒ අනුව ඉදිරි දේශපාලන ක්‍රියාමාර්ග පිළිබඳව සාකච්ඡා කිරීමට අග්‍රාමාත්‍යවරයා විසින් මේ වනවිටත් පක්ෂ නායක රැස්වීමක් කැඳවා ඇත.
කෙසේ වෙතත් අග්‍රාමාත්‍යවරයා විසින් කැඳවන පක්ෂ නායක හමුවට සහභාගි නොවන බව සමගි ජන බලවේගය මෙන්ම ජාතික ජන බලවේගය ද නිවේදනය කළේය.
පොහොට්ටුවේ ඉල්ලීම
මේ අතර ශ්‍රී ලංකා පොදුජන පෙරමුණ නියෝජනය කරන පාර්ලිමේන්තු මන්ත්‍රීවරුන් 16 දෙනෙකු විසින් ජනාධිපතිවරයා වෙත ලිපියක් යොමුකර ඇත.
එහි දැක්වෙන්නේ රට තුළ තිබෙන තත්ත්වය සැලකිල්ලට ගෙන විධායක ජනාධිපති ධුරයෙන් වහාම ඉවත් වන ලෙසයි.
ඩලස් අලහප්පෙරුම, චන්න ජයසුමන, නාලක ගොඩහේවා, චරිත හේරත් ඇතුළු පාර්ලිමේන්තු මන්ත්‍රීවරුන් පිරිසක් විසින් එම ලිපිය යොමුකර තිබේ.
පාර්ලිමේන්තුව නියෝජනය කරන, පැහැදිලි බහුතරයක් දිනාගත හැකි, දූෂණ චෝදනා නොමැති පරිනත මන්ත්‍රීවරයෙකුට ජනාධිපතිවරයාගේ තනතුර බාර දෙන ලෙසත් අදාළ ලිපියෙන් වැඩිදුරටත් ඉල්ලා සිටී.
Facebook Comments
