මහනුවර ජාතික රෝහලේ භෞතචිකිත්සක අංශය විසින් ක්‍රීඩා භෞතචිකිත්සාව ගැන දිනක වැඩමුලුවක් පවත්වා තිබේ.
මෙම වැඩමුලුව මහනුවර පුෂ්පදාන බාලිකා විද්‍යාලයේ දී පවත්වා ඇති අතර මාතෘකා කිහිපයක් යටතේ සිසු සිසුවියන් දැනුවත් කර ඇත.
ක්‍රීඩා කිරිමට ප්‍රථම ඇඟ උණුසුම් කිරිමේ ව්‍යායාම හා පසුව ඇඟ සිසිල් කිරිමේ ව්‍යායාම හරියාකාරව කරන ආකාරය, ක්‍රීඩා කිරිමේ දී ඇතිවන ප්‍රධාන අනතුරු වළක්වා ගැනීම මෙන්ම ක්‍රීඩිකාවන් ගේ පෝෂණය රැක ගැනීම සම්බන්ධයෙන් ද මෙහිදි අවධානය යොමු කර තිබේ.
එමෙන්ම හදිසි අනතුරක් වු විට හරියාකාරව ප්‍රථමාධාර ලබා දීම, හිස සහ ගෙල ආශ්‍රීත හදිසි අනතුරක දී ක්‍රියාත්මක වන ආකාරය සම්බන්ධයෙන් ද දැනුම ලබා දුන් බවයි මහනුවර රෝහලේ භෞතචිකිත්සක අංශය වැඩිදුරටත් නිවේදනය කරන්නේ.
Facebook Comments
