විශේෂ විධි විධාන පනත ඌවෙන් හා උතුරු පළාතින් ප්‍රතික්ෂේපයි

පළාත් සභා අනුමැතිය සඳහා යොමු කරන ලද සංවර්ධන විශේෂ විධිවිධාන පනත් කෙටුම්පත ඌවෙන් හා උතුරු පළාත් සභා වලින් ප්‍රතික්ෂේප කර තිබේ.

ඌව පළාත් ආණ්ඩුකාර එම්.ජී.ජයසේන විසින් පළාත් සභාවේ මතය විමසීම සඳහා ඊයේ (22) අදාල පනත් කෙටුම්පත ඉදිරිපත් කර තිබූ අතර වැඩි ඡන්ද 04 කින් ඌව පළාත් සභාව විසින් එය පරාජයට පත් කළේය.

පනත් කෙටුම්පතට පක්ෂව ඡන්ද 09 ක් ලැබුණු අතර විපක්ෂව ඡන්ද 13 ක් ලැබුණි.

අද (23)පෙරවරුවේ රැස්වුණු උතුරු පළාත් සභාවට උතුරු ආණ්ඩුකාරවරයා විසින් පළාත් සභාවේ අනුමැතිය ලබාගනු පිණිස මෙම පනත් කෙටුම්පත ඉදිරිපත් කළ අතර එහිදී මෙම පනත් කෙටුම්පතට සහය පළනොකරන බවට වූ යෝජනාවක් ඒමතිකව සම්මත වීම හේතුවෙන් පනත ඒකමතිකව ප්‍රතික්ෂේප විය.

කෙසේ වෙතත් සංවර්ධන විශේෂ විධිවිධාන පනත් කෙටුම්පත පිළිබඳ අග්‍රාමාත්‍ය රනිල් වික්‍රමසිංහ මහතා සහ පළාත් ප්‍රධාන අමාත්‍යවරුන් අතර සාකච්ඡාවක් අද(23) පස්වරුවේ අරලියගහ මන්දීරයේදී පැවැත්වීමට නියමිත බවද වාර්තා වේ.