තවමත් ශ්‍රී ලංකාව ලෝකයේ අනෙකුත් රටවලට සාපේක්ෂව සියදිවි නසා ගැනීම් අතින් ඉදිරියෙන් සිටින රටක් වුවද 1996 – 1997 වර්ෂ හා සලකා බලන විට වර්තමානය වන විට එම තත්වය තරමක් යහපත් බව සුව ඇමැතිවරයා පෙන්වා දී තිබේ.
රටක් ලෙස, මෙම තත්වය ගැන කණගාටු විය යුතු බව මෙන්ම සෞඛ්‍ය අමාත්‍යංශය ලෙස අනෙකුත් අංශ සමඟ සහයෝගීතාවයෙන් මෙම තත්ත්වය යහපත් කර ගැනීමට ගත හැකි සියලු ක්‍රියාමාර්ගයන් ගන්නා බව ද සෞඛ්‍ය හා කර්මාන්ත අමාත්‍ය වෛද්‍ය රමේෂ් පතිරණ අවධාරණය කළේය.
සුමිත්‍රයෝ ආයතනය පිහිටුවා වසර 50 ක් පිරීම නිමිත්තෙන් ජුලි 11 වැනිදා කොළඹ පැවැති උත්සවයේ දී ඇමැතිවරයා මේ බව කියා සිටියේය.
සියදිවි නසා ගැනීම සදහා විශේෂයෙන්ම බලපාන හේතු සාධක ගණනාවක් තිබෙන බව සිහිපත් කළ ඇමැතිවරයා, සිය දිවි නසා ගැනීම් වළක්වාලීමට විශාල දායතක්වයක් සුමිත්‍රයෝ ආයතනය මගින් ලබාදෙන බව සඳහන් කළේය.
ස්වේච්චාවෙන් අතිවිශාල පිරිසක් සේවය සපයන සුමිත්‍රයෝ ආයතනයට වසර 50 ක් පිරීම නිමිත්තේන් ඔවුන්ගේ සේවාව අගය කරන බව පැවසු සෞඛ්‍ය අමාත්‍ය රමේෂ් පතිරණ, කළ මෙහෙයට විශේෂ ස්තූතියක් ද, පිරිනැමිය යුතු යැයි තවදුරටත් පැවසීය.
මෙයට සමගාමීව 11වනදා සිට 14 දින දක්වා “Prevent Suicide Connecting in a Disconnected World’’ යන්න තේමා කර ගනිමින් සිව් දින ජාත්‍යන්තර සමුළුවක්ද පැවැත්වෙන අතර ඒ සදහා රටවල් 15ක් නියෝජනය කරමින් 75 කට අධික විදේශීය ස්වේච්ඡා නියෝජිතයින් ද,මෙරට සුමිත්‍රයෝ ආයතනය තියෝජනය කරමින් 80 කට අධික ස්වේච්ඡා නියෙජිතයින් සහභාගී වෙති.
සුමිත්‍රයෝ ආයතනය
1974 වර්ෂයේ දී ආරම්භ කරන ලද සුමිත්‍රයෝ ආයතනයේ නිර්මාතෘ බ්‍රිතාන්‍ය පුරවැසියකු වු ජෝන් ද මැල් විසිනි.
සුමිත්‍රයෝ ආයතනයේ මුලික අරමුණ වන්නේ සියදිවි හානිකර ගැනීම වැළැක්වීම වන අතර එම ආයතනයේ මුලික මෙහෙයුම වන්නේ මරණය වෙනුවට ජීවත්වීම තෝරා ගැනීමට සහය දැක්වීමයි.
මානසික පීඩාව, බලාපොරොත්තු සුන්වීම ඇතුළු දිවිහානි කර ගැනීමට ඉවහල් වන සිතුවිලිවලින් පීඩා විදින්නන්ට මානසික / චිත්තවේගිය සහනයක් ලබාදීම මෙම ආයතනය මගින් සිදු කරනු ලබයි. ලොවපුරා ව්‍යාප්ත වු බීෆ්‍රෙන්ඩ්ර්ස් සංවිධානයේ (Befriender’s Organization) ශාඛාවක් ලෙස මෙය ක්‍රියාත්මක වේ.
මෙම අවස්ථාවට, බීෆ්‍රෙන්ඩ්ර්ස් සංවිධානයේ (Befriender’s Organization) සභාපති Neil Hawkins, සුමිත්‍රයෝ ආයතනයේ සභාපතිනිය සුරංජනී වික්‍රමරත්න, මහාචාර්ය තිළිණි රාජපක්ෂ ඇතුළුව දේශීය විදේශීය නියෝජිතයින් පිරිසක් සහභාගීවී සිටියහ.
Facebook Comments
