ආගියක අතක් නොමැතිව තුන් දවසක් තිස්සේ අතුරුදන්ව සිටි සමස්ත ලංකා විදුලි සංදේශ කම්කරුවන්ගේ සේවක සංගමයේ උප සභාපතිවරයා අද (01) ඉංගිරිය නගරයේදී හමුව ඇත.
අතුරුදන්ව සිටි උප සභාපති එම්.එස්. මංගල නාදුනන පිරිසක් වැන් රථයකින් පැමිණ මොහුව මහමග දමාගොස් ඇති බවටයි වාර්තා වන්නේ.
නිවසට එන බව දන්වා 28 සෙනසුරාදා මධ්‍යම රාත්‍රී කාලයේදී කොළඹ සිට පිටත් වූ එම් සුජීව මංගල පිළිබඳ කිසිදු තොරතුරක් නොමැති බව ඔහුගේ බිරිඳ විසින් පසුදා පිළියන්දල පොලිසියට පැමිණිලි කර තිබිණි.
මෑන්පවර් සේවක රැකියා ස්ථීර කරන ලෙස සති හයකට ආසන්න කාලයක් ගෙනගිය අරගලයේ නායකත්වය දැරූ තම සටන් සගයාගේ අතුරුදහන්කරවීම තම අරගලය කඩාකප්පල් කිරීමට උත්සාහ කිරීමක් ලෙසයි සමස්ත ලංකා විදුලි සංදේශ සේවක සංගමයේ ලේකම් එස්. ඩී පෙර්රා කියා සිටියේ.
අතුරුදහන් වූ සුජීව මංගල සොයා දෙන ලෙස ඉල්ලා බල කෙරෙන උද්ඝෝෂණයක් පෙබරවාරි අද (01) කොළඹදී පැවැත්වීම සඳහා මෑන්පවර් සේවකයන් සහ ඔවුන්ගේ පවුලේ සාමාජිකයන්ටත් කැඳවා තිබුණි.
හිතා ගන්න බැහැ
ටෙලිකොම් සමිති නායක සුජීව මංගලගේ අතුරුදහන්වීමට හේතුව කුමක්දැයි “තමන්ටත් හිතාගැනීමට නොහැකි” බවයි විදුලි සංදේශ හා ඩිජිටල් යටිතල පහසුකම් අමාත්‍යවරයා වෘත්තීය සමිති නියෝජිතයන්ට පවසා ඇත්තේ.
මාත්‍යාංශ ලේකම් වසන්ත දේශප්‍රියගේ කාර්යාලයේදී 31 අඟහරුවාදා පැවැති සාකච්ඡාවේදී අමාත්‍ය හරීන් ප්‍රනාන්දු ඒ බව සදහන් කළ බව සමස්ත ලංකා විදුලි සංදේශ සේවක සංගමයේ ලේකම් එස්. ඩී පෙර්රා සඳහන් කළේ.
කෙසේ නමුත් එම අතුරුදහන්වීම සම්බන්ධයෙන් සොයා බලන ලෙස තමන් පොලිස්පතිවරයාට දැනුම් දී ඇති බවයි විදුලි සංදේශ හා ඩිජිටල් යටිතල පහසුකම් අමාත්‍ය හරින් ප්‍රනාන්දු එම හමුවේදී පවසා ඇත්තේ.
ටෙලිකොම් මෑන් පවර් කම්කරුවන්ගේ රැකියා ස්ථිර කරන ලෙසත් මෑන් පවර් ක්‍රමය අහෝසි කරන ලෙසත් ඉල්ලමින් කොළඹ කොටුවේ ටෙලිකොම් ආයතනය අසල ටෙලිකොම් මෑන්පවර් සේවකයන් ආරම්භ කළ උපවාසයට මේ වන විට දින 37 ක් ගතවී තිබේ.
Facebook Comments
