මීතොටමුල්ල කසළ කන්ද නාය යාමට හේතු වූ කරුණු සහ එවැන්නක් යළි සිදුවීම වැළැක්විමට ගත හැකි පියවර නිර්දේශ කිරීම සඳහා පැමිණි ජපාන විශේෂඥ කණ්ඩායම සිය වාර්තාව අද (24) පෙරවරුවේ ජනාධිපති නිල නිවසේ දී ජනාධිපති මෛත්‍රීපාල සිරිසේන වෙත භාරදුන් බව ජනාධිපති මාධ්‍ය ඒකකය කියා සිටී.
මෙම ගැටලුව විසඳීම සඳහා කෙටිකාලීන පියවර වශයෙන් කසළ කන්දේ පදනම සවිමත් කර පොලිතින්වලින් වසා දැමීම සහ ඉදිරි වාර්ෂා කාලයට පෙර කසළ කන්දේ පිහිටීම කන්දක හැඩයට නිර්මාණය කර ගුරුත්වාකර්ෂණයට අනුකූල ලෙස සම්පාදනය කිරීමේ අවශ්‍යතාවයත් ඇති බව ජපාන විශේෂඥ කණ්ඩායම පෙන්වාදී තිබේ.
කසළ කන්දේ ප‍්‍රමාණය ක‍්‍රමයෙන් අවම කර ප‍්‍රතිචකී‍්‍රකරණය, බලශක්ති උත්පාදනය සහ කාබනික පොහොර නිෂ්පාදනය සඳහා උපයෝගි කර ගැනීම දීර්ඝකාලීන නිර්දේශ ලෙස මෙම වාර්තාව මඟින් ඉදිරිපත් කරන ඇති බවයි මාධ්‍ය ඒකකය පවසන්නේ.
මෙහිදී අදහස් දැක්වූ ජපාන නියෝජිත පිරිසේ ප‍්‍රධානිය පෙන්වා දී ඇත්තේ 1960 දී ජපන් ජනතාවද කසළ කඳු පිළිබද විරෝධය පළ කිරීමත් සමග එම ගැටලුව නිරාකරණය කර ගැනීමට ගත් පියවර සම්බන්ධයෙන් ජපානය සතු මහඟු අත්දැකීම් ශ්‍රී ලංකාවට ද වැදගත් වනු ඇති බවයි.
මානූෂිය ඛේදවාචකයක් වූ මීතොටමුල්ල සිදුවීම දේශපාලන ප‍්‍රශ්නයක් බවට පත් කරගෙන තිබෙන බව පෙන්වා දී ඇති ජනාධිපතිවරයා ශ්‍රී ලංකාවේ කසළ ගැටලුව විසඳීමට ජපන් රජයේ සහය අපේක්ෂා කරන බවද පවසා ඇති අතර මෙම ඛේදවාචකය සිදුවී ඉතා කෙටි කාලයක් තුළ මෙරටට පැමිණ පුළුල් අධ්‍යයනයක් සිදුකර වාර්තාවක් භාරදීම පිළිබඳ සිය ස්තුතිය ජපාන විශේෂඥ කණ්ඩායමට පළ කර ඇත.
Facebook Comments
