”ඇදුම” රෝගය සමාජ කැළලක් නොවේ – ස්වශන රෝග විශේෂඥ වෛද්‍ය සංගමය

0

ඇදුම රෝගය සමජ කැළලක් ඇතිවන රෝගයක් නොවන බව සහ එය සම්පුර්ණයෙන්ම සුව කළ හැකි රෝගයක් බව ස්වශන රෝග විශේෂඥ වෛද්‍ය සංගමය පෙන්වා දෙයි.

නාගරික ආශ්‍රිතව ජීවත්වන දරුවන් වැඩි වශයෙන් ස්වශන ආසාදනවලට ලක්වීමේ අවධානම වැඩි බවට එම සංගමයේ විශේෂඥ වෛද්‍ය ඩී. මැදගෙදර කියා සිටියේ අදට (2) යෙදී තිබෙන ලෝක ඇදුම රෝග දිනය සම්බන්ධයෙන් ජනමාධ්‍ය දැනුවත් කිරීමේ විශේෂ මාධ්‍ය හමුවට එක්වෙමිනි.

”හොඳ වාතාශ්‍රයක් හොඳ හුස්ම ගැනීමක්” යන තේමාව යටතේ මෙවර ඇදුම රෝග දිනයේ මහජන දැනුවත් කිරීම් සිදු වන බවයි ස්වශන රෝග විශේෂඥ වෛද්‍ය සංගමය පවසන්නේ.

ඇදුම රෝගය පිළිබඳව විශේෂ අවධානය යොමු කර ජනතාව වැඩි වශයෙන් රෝගය සම්බන්ධව දැනුවත් කර වැඩි වශයෙන් රෝගීන් සොයා ප්‍රතිකාර කර සුව කිරීම තම සංගමයේ අරමුණ බවයි වෛද්‍ය ඩී. මැදගෙදර කියා සිටියේ.

ඇදුම රෝගය සම්බන්ධයෙන් සමාජයේ පවතින මිත්‍යාව ඉවත් කරගත යුතු බව පෙන්වා දෙන වෛද්‍යවරයා ප්‍රතිකාර කර රෝගය හොඳින් පාලනය කළ හැකි බවද අවධාරණය කළේය.

ස්වාස නාළිකා බිත්තිවල ඉදිමීම නිසා ස්වාශ නාළ සිරවීම නිසා ඇතිවන ඇදුම රෝගය නිදන්ගත රෝගයක් ලෙස හඳුන්වන අතර ලෝකයේ මිලියන 300ක් පමණ රෝගීන් සිටිනවා.

ඇදුම රෝගය පුද්ගලයන් අනුව වෙනස් වන බව කී වෛද්‍ය ඩී. මැදගෙදර එය ජානගත රෝගයක් ලෙසත් පවතින බවත් ඇදුම නිසා මරණය ඇති විය හැකි බවටද මෙහිදී ප්‍රකාශ කළේය.

Facebook Comments

wedding people