ජනතාවට දුන් පොරොන්දු අනුව මුලින්ම අලුත් ව්‍යවස්ථාවක් නිර්මාණය කර ඉන් පසු අවශ්‍යතාවය අනුව කැබිනට් සංශෝධනය සිදු කරන ලෙස එජාප පාර්ලිමේන්තු මන්ත්‍රීවරයක් ඉල්ලා සිටී.
මේ වන විට රට තුළ ආර්ථිකය සහ රැකියා ගොඩනැංවිමේ වැඩපිළිවෙල ආරම්භ කර ඇති බව කී පුත්තලම් දිස්ත්‍රීක් පාර්ලිමේන්තු මන්ත්‍රී හෙක්ටර් අප්පුහාමි කැබිනට් සංශෝධනය ගෙන එන්නේ පක්ෂ තුළ ඇති අභ්‍යන්තර ගැටුම් සහ පුද්ගල ප්‍රශ්න නිසා බවටයි චෝදනා කරන්නේ.
අමාත්‍යංශ වල හෝ ඇමතිවරුන්ගේ අඩුපාඩුකම් ඇත්නම් එ් සඳහා වැඩපිළිවෙලක් සකස් කර ක්‍රීයාත්මක කල යුතු බවටයි මන්ත්‍රීවරයා යෝජනා කරන්නේ.
ජනාධිපතිවරණයේදී ජනතාවට දුන් පොරොන්දු තවමත් හරිහැටි ඉටු කර ගැනීමට නොහැකි වී ඇති බව පෙන්වා දුන් හෙක්ටර් මන්ත්‍රීවරයා මුලින් එම පොරොන්දු ඉෂ්ඨ කල යුතු බවයි අවධාරණය කර සිටින්නේ.
මේ මොහොතේ කැබිනට් සංශෝධනයක් ගෙන ඒම ශ්‍රීලනිප කුමන්ත්‍රණයක් බවට සැක පල කල මන්ත්‍රීවරයා ඒ හරහා ආණ්ඩුව බිඳ දැමිමේ කුමන්ත්‍රණයක් ක්‍රීයාත්මක දැයි සැක මතු වන බව වැඩිදුරටත් ප්‍රකාශ කළේය.
Facebook Comments
