ලොව පුරා රටවල් 150කට වැඩි සංඛ්‍යාවක පරිඝනක තුන්ලක්ෂයකට වැඩි සංඛ්‍යාවකට එල්ල වූ දැවැන්ත රැන්සම්වෙයා සයිබර් ප්‍රහාරය උතුරු කොරියාවෙන් එල්ල වන්නට ඇති බවට පරිඝනක ආරක්ෂක විශේෂඥයන් සැක පළ කරති.
රැන්සම්වෙයා පරිඝනක වෛරසය උතුරු කොරියාව අනවසර පිවිසීම් සඳහා යොදා ගන්නා වෛරස්වලට බෙහෙවින් සමාන වන බව ගූගල් සමාගමේ පරීක්ෂක නීල් මේතා ප්‍රකාශ කර තිබේ.
ඊශ්‍රායල පරිඝනක ආරක්ෂක සේවා සමාගමක් ද සයිබර් ප්‍රහාරයට උතුරු කොරියානු සම්භවයක් ඇති බවට මත පළ කර තිබිණි.
මෙම පරිඝනක වෛරසය ඇමරිකානු ජාතික ආරක්ෂක ඒජන්සිය මගින් සංවර්ධනය කිරීමෙන් අනතුරුව හැකර්වරුන් සොරා ගත් එකක් බවට විශ්වාස කෙරේ.
චීනයේ සේද මාර්ග සමුළුවට සහභාගි වෙමින් රුසියානු ජනාධිපති ව්ලැදිමීර් පුටින් සයිබර් ප්‍රහාරය සම්බන්ධයෙන් ඇමරිකාවට චෝදනා කර තිබුණි.
Facebook Comments
