මුස්ලිම් ජනයාට එරෙහිව ප්‍රහාර මාලාවක් දියත් වන අවස්ථාවක උතුරේ ජනතාව තමන්ගේ මළවුන් සමරමින් කොළඹ පැවත්වු අනුස්මරණයකට බාධා කිරීමට බෞද්ධ භික්ෂුන් පෙරටු කොට ගත් සිංහල දැඩි මතධාරි පිරිසක් සාර්ථක උත්සාහයක යෙදුනහ.
උතුරේ ඥාතීන් අතුරුදහන්වු මව්වරුන් සහ පියවරුන්ද දකුණේ ප්‍රගතිශිලින් හා බහුජන සංවිධාන එක් වී කොළඹ කොටුවේ පැවති සාමාකාමී උද්ඝෝෂනය නිමා වන අවස්ථාවේ වාහන කිහිපයකින් පැමිණි පුද්ගලයන්ට නායකත්වය දුන් ප්‍රචන්ඩ හැසිරීමේ චෝදනා යටතේ අත්අඩංගුවට ගෙන ඇප පිට නිදහස්ව සිටින ලියනගේ අබේරත්න සුරේෂ් ප්‍රියාස්ද් නොහොත් ඩෑන් ප්‍රියාසාද් ඇතුලු කලහකාරී පිරිමි පිරිසක් උද්ඝෝෂණයට සහභාගීවුවන්ට ” කොටියෝ කොටියෝ ” යනුවෙන් කෑගසමින් ප්‍රචන්ඩ ලෙස හැසිරෙනු දක්නට ලැබුණි.
” තොපි මේවා යාපනේ කරගනින් මෙහෙ සිංහල පලාත් වල ඒවට ඉඩ නෑ ” යනුවෙන් විසිර යන පිරිසටත් මෙය ආවරණය කිරීමට පැමිණි මාධ්‍යවේදින්ටත් තර්ජනාත්මක ලෙස කියා සිටියහ.
ඉන් අනතුරුව කොටුව දුමිරිය පොල ඉදිරිපිට රැස්ව බලා සිටි ජනතාවට අසභ්‍ය වචනයෙන් ඔවුහු බැණ වැදුන අතර මාධ්‍යවේදින් පිරිසක් පැමිණි රියක්ද වට කර පහර දීමට උත්සාහ කෙරුණි.
දිවයිනේ තැන තැන සිදුවන මුස්ලිම් විරෝධි ප්‍රහාර වලට එරෙහිව නීතිය ක්‍රීයාත්මක නොවීම අද දින කැබිනට් මණ්ඩලයේ උණුසුම් තත්ත්වයක් ඇති කිරීමටද හේතු විය.
Facebook Comments
