හොරකම් ගැන නොවේ, මිනීමැරුම් ඇතුළු අපරාධ ගැන කියන ලෙස බාහුගෙන් ගෝඨාට අභියෝගයක් (VIDEO)

0

සමාව අනවශ්‍ය බව පවසමින් රාජපක්ෂ පාලන සමයේ සිදුව ඇති වංචා දුෂණ සම්බන්ධයෙන් පරික්ෂණ පවත්වන ලෙසට ඉල්ලා සිටින හිටපු ආරක්ෂක ලේකම්වරයා එකල සිදුවු මිනිමැරුම් සහ අතුරුදහන්විම් ඇතුළු අපරාධ සම්බන්ධව පවසන්නේ කුමක් දැයි නව සම සමාජ පක්ෂ නායකයා ප්‍රශ්න කරයි.

ධනපති පාලනයන් තුල හොරකම් සිදුවන බව පෙන්වා දෙන ආචාර්ය වික්‍රමබාහු කාරුණාරත්න හිටපු ආරක්ෂක ලේකම්වරයා සම්බන්ධ වංචා දුෂණ සොයා බලනවාට වඩා ඔහුට එල්ල වී ඇති අපරාධ චෝදනා සම්බන්ධව පරික්ෂණ පවත්වා ඊට එරෙහිව නීතිය ක්‍රියාත්මක කල යුතු බව 11 අඟහරුවාදා බලය බෙදා එක්සත්විමේ ව්‍යපාරය සංවිධාන කළ මාධ්‍ය හමුවේදී අවධාරණය කළේය.

වැලිකඩ, ලසන්ත හා ප්‍රගීත්

දින දෙකක කැරැල්ලක් නිර්මාණය කරමින් වැලිකඩ බන්ධනාගාරයේ රැඳවියන් මරා දැමීම සම්බන්ධව කළ පරික්ෂණ වලදී චෝදනාවට ලක් වන්නේ හිටපු ආරක්ෂක ලේකම්වරයා බැවින් ඒ සම්බන්ධව ඔහුගේ පැහැදිලි කිරිම කුමක් දැයි නව සම සමාජ පක්ෂ නායකයා ප්‍රශ්න කරයි.

සන්ඩේ ලීඩර් පුවත්පතේ හිටපු කතෘ ලසන්ත වික්‍රමතුංග ඝාතනයට ලක් වන අවස්ථාවේදී බලය මෙහෙය වු ‍හිටපු ආරක්ෂක ලේකම් විසින් එම ඝාතනය සංවිධානය කල එකක් යැයි පෙනෙන බැවින් එයට ගෝඨාභය රාජපක්ෂ වගකිව යුතු බවටයි ආචාර්ය බාහු චෝදනා කරන්නේ.

මාධ්‍යවේදී ප්‍රගීත් එක්නැළිගොඩ අතුරුදහන් කිරීමට සහ තාජුඩීන් මරා දමා ඔහුගේ අස්ථි කොටස් සැඟවීම වැනි අපරාධ රැසකට සම්බන්ධව කවරෙක්ද යන්න හිටපු ආරක්ෂක ලේකම් ගෝඨාභය පිළිතුරු දිය යුතු යැයි වික්‍රමබාහු කාරුණාරත්න අවධාරණය කරයි.

“සමාව දෙන්නෙත් නැහැ ඉල්ලන්නත් එපා”

අලුත් ආණ්ඩුව බිහි කිරීමට වෙහෙස වු කිසිවකුට හිටපු ආරක්ෂක ලේකම්ගේ පුද්ගලික ජිවිතය පිළිබඳව “තුට්ටු බාගයකවත් වැඩක් නැහැ” යි කී ආචාර්ය විකමබාහු එහෙත් මෙරටට සිදු කළ අපරාධ පිලිබඳව සොයා බැලීමට අයිතියක් ඇති බව කියා සිටි.

එවැනි අපරාධ සම්බන්ධයෙන් “සමාව දෙන්නත් ලෑස්ති නැහැ සමාව ඉල්ලත් එපා” යැයි ආචාර්ය වික්‍රමබාහු කරුණාරත්න අවධාරණය කළේය.

 

Facebook Comments

wedding people