දූෂණ මර්දන කමිටු ලේකම් කාර්යාලය වසා දැමීමට කැබිනට් මණ්ඩලය පොදුවේ සිය එකඟත්වය පළ කර තිබේ.
එම කාර්යාලය සඳහා මේ වන විට ලැබී ඇති පැමිණිලි අල්ලස් හෝ දූෂණ චෝදනා විමර්ශන කොමිසමට සහ පොලිස්පතිට යොමු කිරීමට 11 අඟහරුවාදා පැවති කැබිනට් මණ්ඩලය තීරණය කර ඇත.
කෙසේ වෙතත් අගමැති රනිල් වික්‍රමසිංහ ප්‍රමුඛ පිරිසක් කියා ඇත්තේ මෙම කාර්යාලය තවත් මාස හයකින් දීර්ඝ කිරීම සුදුසු බවයි.
එහෙත් ජනාධිපතිවරයා ඇතුළු තවත් පිරිසක් ඊට විරෝධය පල කර ඇති අතර එය තවදුරටත් පවත්වාගෙන යෑමෙන් පළක් නැති බවයි පෙන්වා දී ඇත්තේ.
දූෂණ මර්දන කමිටු ලේකම් කාර්යාලය වෙත මහා පරිමාණ දූෂණවලට අදාළ පැමිණි 480ක් ලැබී ඇති අතර ඉන් 258 ක් පොලිස් මූල්‍ය අපරාධ කොට්ඨාශයට භාර දී ඇතත් මේ දක්වා අධි චෝදනා ගොනුකර ඇත්තේ ඉන් පැමිණිලි 14කට පමණක් බවද මෙහිදී හෙළිව තිබේ.
Facebook Comments
