අපරාධ පරීක්ෂණ දෙපාර්තුමේන්තුව විසින් නාවික හමුදා මාධ්ය ප්රකාශක ලෙස කටයුතු කළ කොමදෝරු ඩී.කේ.පී. දසනායක අත්අඩංගුවට ගත් බව පොලිස් මාධ්ය ප්රකාශක කාර්යාලය පවසයි.
කොළඹ ප්රදේශයේ දී තරුණයින් 11 දෙනෙකු පැහැර ගෙන ගොස් ඔවුන්ව නීතිවිරෝධී ලෙස රදවා තබා ගෙන අනතුරුව අතුරුදන් කිරීම සම්බන්ධයෙන් සිදු කරනු ලැබූ විමර්ශනවලින් පසු මෙම නාවික සෙබලා අත්අඩංගුවට ගෙන තිබේ.
අදාළ පුද්ගලයා කොටුව මහේස්ත්රාත් අධිකරණයට ඉදිරිපත් කිරීමට නියමිත අතර සිද්ධිය සම්බන්ධයෙන් අත්අඩංගුවට ගත් සෙසු නාවික සෙබලුන් මේ වන විට රක්ෂිත බන්ධනාගාර ගත කර ඇත.