හොරුන් සමග ආණ්ඩුව ගෙන යෑමට සූදානම් නැති බව පවසන ජනාධිපතිවරයා හොරු නොමැති පිරිසුදු ආණ්ඩුවක් ඉතා ඉක්මනින් නිර්මාණය කරන බවට ප්‍රකාශ කර තිබේ.
පසුගිය ආණ්ඩුවෙන් තමන් ඉවත් වූයේ හොරකමට විරුද්ධ වූ බැවින් බැවින් වත්මන් ආණ්ඩුව යටතේ කිසිදු හොරෙකු ආරක්ෂා කිරීමට තමන් සූදානම් නොමැති බව ජනාධිපති මෛත්‍රීපාල සිරිසේන පවසා ඇත්තේ ශ්‍රී ලංකා නිදහස් පක්ෂයේ විධායක සභාව සහ සමස්ත ලංකා කාරක සභාව 29 සෙනසුරාදා පැවති අවස්ථාවේදීය.
පිරිසුදු ආණ්ඩුවක් අපේක්ෂාවෙන් ජනතාව ඡන්දය ලබාදුන් ජනතාවගේ බලාපොරොත්තු ඉටුකළ යුතු බව අවධාරණය කර ඇති ජනාධිපතිවරයා දූෂණ, වංචා නොමැති ආණ්ඩුවක් වෙනුවෙන් සිදුකළ යුතු සංශෝධන සහ ගතයුතු පියවර ඉතා ඉක්මනින් ගන්නා බවද මෙහිදී පවසා තිබේ.
හිටපු ජනාධිපති මහින්ද රාජපක්ෂ රහසින් හමුවන අමාත්‍යවරුන් පිළිබඳ සියලු විස්තර තමන් දන්නා බව මෙන්ම මහින්ද රාජපක්ෂ සමග කටයුතු කරන ඒකාබද්ධයේ මන්ත්‍රීවරුන් රාත්‍රියේදී තමා මුණගැසෙන බව ද ජනාධිපතිවරයා හෙළිකර ඇත.
අලුතින් පක්ෂ නිර්මාණය කර ශ්‍රී ලංකා නිදහස් පක්ෂය පරාජය කිරීමෙන් ප්‍රශ්න විසඳිය නොහැකි බව පෙන්වා දී ඇති ජනාධිපතවරයා ශ්‍රී ලංකා නිදහස් පක්ෂය පසුබසින්නේ නම්, එය ඉහළට ඔසවා තැබීමට මහන්සිය විය යුතු අතර අලුත් ආණ්ඩුවක් නිර්මාණය කිරීමේ සිහිනය ඇත්නම් අඩුම වශයෙන් ශ්‍රී ලංකනිදහස් පක්ෂයේ මන්ත්‍රීවරුන් 95 එකට එක්විය යුතු යැයිද ජනාධිපතිවරයා පවසා තිබේ.
Facebook Comments
