ශ්‍රී ලංකාව සහ ඉන්දියාව අතර පැවැත්වන එක්දින තරගාවලියේ සිවුවැනි තරගය සඳහා ශ්‍රී ලංකා කණ්ඩායම් නායකයා වශයෙන් ලසිත් මාලිංග පත්කර තිබේ.
එක්දින කණ්ඩායමේ නිත්‍ය නායක උපුල් තරංග තරග තහනමකට මුහුණ දීමෙන් පසුව ශ්‍රී ලංකා එක්දින පිලේ නායකත්වය සඳහා නම්කරනු ලැබ සිටියේ චාමර කපුගෙදර වුවත් පිටකොන්දේ ආබාධයක් හේතුවෙන් චාමර කපුගෙදර 31 වැනිදා තරගයට සහභාගි නොවන බව වාර්තා වේ.
මේ අතර ලසිත් මාලිංග කණ්ඩායම් කළමණාකාරීත්වයට පවසා ඇත්තේ නායකත්වය බාරගැනීමට තමන් සූදානම් බව සහ තරගය සඳහා වෙනමම පිතිහරඹ සැලැස්මක් තමන්ට ඇති බවයි.
එක්දින කඩුලු 299 ක් ලබා සිටින ලසිත් මාලිංග සිය 300 වැනි කඩුල්ල දවාගැනීමෙන් පසුව එක්දින තරග බිමෙන් ඉවත්වීමට සැලසුම් කර ඇති බවද වාර්තාවේ.
මේ දක්වා එක්දින තරග 202 කට සහභාගි වී සිටින ලසිත් මාලිංග ශ්‍රී ලංකාවේ 21 වැනි එක්දින නායකයා වෙයි.
Facebook Comments
