අධිකරණයට අපහාස කළේ යැයි පවසමින් තමන්ට එරෙහිව ගොණු කර ඇති නඩු වලින් තමන්ට සාධාරණය ඉටු වනු ඇතැයි වංචා දුෂණ වෙනුවෙන් හඬ නඟන එක්සත් ජාතික පක්ෂ ප්‍රබල ඇමැතිවරයකු පවසයි.
තමන් නීතියට සහ අධිකරණයට ගරු කරන බව මෙන්ම නීති ගරුක විනිසුරන්ට හා නීතිවේදින්ට ගෞරව කරන බවට නියෝජ්‍ය අමාත්‍ය රන්ජන් රාමනායක කියා සිටියේ 29 අඟහරුවාදා පැවති මාධ්‍ය හමුවකදීය.
නියෝජ්‍ය අමාත්‍යවරයා මාධ්‍යයට කරන ලද ප්‍රකාශයක් හරහා අධිකරණයට අපහාස වු බව පවසමින් සිංහල දැඩි මතධාරි බොදු බල සේනා සංවිධානය ඇමැතිවරයාට එරෙහිව ශ්‍රේෂ්ඨාධිකරණයේ නඩුවක් ගොණු කල අතර ඇමැති රන්ජන්ට එරෙහිව නඩු පැවරිය යුතු බවට යෝජනාවක් ශ්‍රී ලංකා නීතිඥ සංගමය විසින් සම්මත කර තිබුණි.
වැරදි නඩු තීන්දු සහ පක්ෂක්ග්‍රාහි තීන්දු වැනි දේ නිසාවෙන් රටේ කෝටි ගණනක ජනතාව අසරණ වී ඇති බව කී ඇමැතිවරයා තමන් රටට හෙළි කරන්නේ තමන්ගේ පුද්ගලික ගැටලුවක් නොවන බවයි පෙන්වා දෙන්නේ.
හිටපු අගවිනිසුරු විසින් තමන් ලබා දුන් නඩු තීන්දුවක් පිළිබඳව කණාගාටු වන බවට කල ප්‍රකාශයක විඩියෝ පටයක් ප්‍රචාරණය කල අමාත්‍ය රන්ජන් රාමනායක “දැන් මේවට මොනවද කළේ මේ ඉන්න යු.ආර් සිල්වා මහත්මයල ඒ කියන්නෙ බැසිල් රාජපක්ෂගේ නීතිඥතුමා” යි ප්‍රශ්න කළේය.
Facebook Comments
