මෙවර පළාත් පාලන මැතිවරණය සඳහා දේශපාලන පක්ෂ වලින් නාම යෝජනා දී ඇති නුසුදුසු අයවලුන් සභිකයන් ලෙස පත්වුව හොත් ඔවුන්ගේ මන්ත්‍රීධූර අහෝසි කිරීමට අධිකරණ ක්‍රීයාමාර්ග ගන්නා බවට පැෆ්රල් සංවිධානය පවසයි.
පළාත් පාලන මැතිවරණය සඳහා නුසුදුසු අපෙක්ෂකයන් අසූවක් පමණ නාමයෝජනා ලැයිස්තුවල සිටින බව තොරතුරු මැතිවරණ කොමිසම හා දේශපාලන නියෝජිතයන් අතර පැවැති රැස්වීමකදී පැෆරල් සංවිධානයේ විධායක අධ්‍යක්ෂ නීතිඥ රෝහණ හෙට්ටිආරච්චි අනාවරණය කළේය.
කිසිම සභාවක් සමග මුල්‍ය ගිවිසුම් අත්සන් කරමින් කොන්ත්‍රාත් කටයුතු කර තිබෙන අයට ද එම සභාවල මන්ත්‍රීධූර දැරිමට නොහැකි බව ද ඔහු එහිදී කියා සිටියේය.
පැමිණිළි
මේ අතර මැතිවරණය සම්බන්ධව පැෆරල් සංවිධානයට පැමිණිලි 360ක් ලැබි ඇති අතර මැතිවරණ කොමිසමේ පිහිටුවා ඇති පැමිණිලි ඒකකයට පැමිණිලි 424ක් ලැබි ඇත.
වැඩිම පැමිණිළි ප්‍රමාණයක් වන පැමිණිලි 84 ලැබි ඇත්තේ කොළඹ දිස්ත්‍රික්කයෙන් වන අතර ගම්පහ 38ක් කුරුණෑගල 2ක් මහනුවර 21ක් වශයෙන් පැමිණිලි ලැබි ඇතත් කිලිනොච්චි දිස්ත්‍රික්කයෙන් කිසිම පැමිණිල්ලක් ලැබි නැති බවයි ඔවුන් පවසන්නේ.
පොලිස් මැතිවරණ පැමිණිලි ඒකකයට පැමිණිලි 145ක් ලැබි තියෙන අතර අත්අඩංගුවට ගැනීම් 140ක්ද සිදු කර ඇති බව පවසන පොලීසිය අත් අඩංගුවට ගැනීම් අතර අපේක්ෂකියින් දහසයක් සිටින බව ද නිවේදනය කරයි.
Facebook Comments
