පුංචි ජන්දය ජයගත් පොහොට්ටුවෙන් මුස්ලිම් විරෝධි ප්‍රහාර

0
1263
Ivory Agency Sri Lanka
HailHost
wedding people

පුංචි ජන්දය ජයගත් පොදු ජන පෙරමුණේ අනුගාමිකයන් ජයග්‍රහණය සමරමින් සිදු කරනු ලබන මුස්ලිම් විරෝධි ප්‍රහාර නැවැත්වීමට පියවර ගන්නා ලෙස මුල්පෙළේ මුස්ලිම් සංවිධානයක් මහින්ද රාජපක්ෂ විසින් මෙහෙයවන පක්ෂයෙන් ඉල්ලා තිබේ.

මහනුවර සහ කළුතර දිස්ත්‍රික්කවල එක්සත් ජාතික පක්ෂයේ මුස්ලිම් ආධාරකරුවන් පිරිසකට පොදු ජන පෙරමුණු පෙළිපාලිකරුවන් පිරිසක් විසින් පහර දීමෙන් අනතුරුව ශ්‍රී ලංකා මුස්ලිම් මණ්ඩලය විසින් ශ්‍රී ලංකා පොදු ජන පෙරමුනේ සභාපති මහාචාර්ය ජී.ඇල් පීරිස් වෙත යවන ලද ලිපියකින් එම ඉල්ලීම කර ඇත.

මහාචාර්ය ජී.ඇල් පීරිස්ගේ සහ මහින්ද රාජපක්ෂගේ නායකත්වය විශේෂ කොට සලකා මුස්ලිම්වරුන් සැලකිය යුතු ප්‍රමාණයක් එම පක්ෂයට සහාය දුන් බව පෙන්වා දී ඇති මුස්ලිම් මණ්ඩලය “කිසිවකුටත් එරෙහිව වෛරය හා ප්‍රචණ්ඩතාව යොදා ගැනීමෙන් වැළකී සිටින ලෙස ඔබේ පක්ෂයේ කාඩර් වරුන්ගෙන් ඉල්ලා සිටින මාධ්‍ය නිවේදනයක් සහ පණිවිඩයක් ප්‍රකාශයට පත් කරන්නේ නම් අපි ඉතා කෘතඥ වෙමු.” යැයි වැඩි දුරටත් ඉල්ලා සිටි.

පහර දීම් සහ තර්ජනය කිරිම්

මැතිවරණයේ අවසන් ප්‍රතිඵලය නිකුත් වීමටත් පෙර පෙළපාලි පවත්වමින් සිය ජයග්‍රහනය සමරා ඇති පොදු ජන පෙරමුණේ ආධාරකරුවන් පිරිසක් විසින් නුවර, කටුගස්තොට, උගුරැස්පිටිය ප්‍රදේශයේ මුස්ලිම් ජනතාව සමග ඇතිකර ගෙන තිබේ.

ගැටුමෙන් මුස්ලිම් ජාතිකයන් හතර දෙනෙකු ලබා ඇති අතර පෙළපාලියේ ආ එක් සිංහල ජාතියෙකු සුලු තුවාල ලබා ඇති බවයි වාර්තා වන්නේ.

පොලිසියේ මැදිහත් වීමෙන් 13 අඟහරුවාදා උගුරැස්සපිටිය මුස්ලිම් දේවස්ථානයට දෙපාර්ශවය කැඳවා සෙනරත්ගම සහ වනාගල විහාරාධිපති හිමිවරුන්ගේ සහ පොලිසිය තත්වය සමාදාන කර ඇති අතර මෙවැනි දෑ සිදු නොවීමට දෙපාර්ශ්වයම වග බලා ගත යුතු අතර තුවාල ලැබු මුස්ලිම් ජාතිකයකු තවදුරටත් රෝහලේ නේවාසිකව ප්‍රතිකාර ලබන බැවින් අධිකරණයේදී ඉදිරි කටයුතු විසඳාගත යුතු බවට කටුගස්තොට පොලිස් ස්ථානාධිපතිවරයා පැවසු බව ලංකා මුස්ලිම් මණ්ඩලය පවසයි.

මේ අතර බුලත්සිංහල, වේයංගල්ලේ දී ද ශ්‍රීලපොප ආධාරකරුවන් පිරිසක් 11 ඉරිදා එම ප්‍රදේශයේ මුස්ලිම් ජාතිකයන් කිහිප දෙනකුට තර්ජනය කර ඇති අතර පොදු ජන පෙරමුණේ දේශපාලන බලධාරීන්ට දැනුවත් කිරීමෙන් පසු තත්වය සමථයකට පත් කර ගෙන තිබේ.

Facebook Comments

HailHost