විපක්ෂ නායක ධුරයේ සිටි රනිල් වික්‍රමසිංහ ඉවත් කිරීමට නොහැකි වූ කණ්ඩායම්වලට අගමැති රනිල් ඉවත් කිරීම සිහිනයක් පමණක් බව සම කැබිනට් ප්‍රකාශකවරයා පවසයි.
“අගමැති රනිල් වික්‍රමසිංහට එරෙහිව විශ්වාසභංගයක් ගෙන ඒමට ඒකාබද්ධ විපක්ෂය සූදානම් වෙනවා. එක්සත් ජාතික පක්ෂයේ මන්ත්‍රිවරුන් නායකයාට විරුද්ධව කටයුතු කරන්නෙ නැහැ. සාකච්ඡා මාර්ගයෙන් ප්‍රශ්නය විසදා ගන්නවා.’
අගමැතිවරයා ඉවත් කිරීමේ වැඩපිළිවෙළක් දියත් කළහොත් එම සටන මාස හයකට වැඩි කාලයක් කරගෙන යන්න සිදු වෙනවා. එවිට අපට ජනතාවට සේවා සලසන්න බැහැ. එහි වාසිය ලැබෙන්නෙ විපක්ෂයට”යි සෞඛ්‍ය පෝෂණ හා දේශීය වෛද්‍ය ඇමැති රාජිත සේනාරත්න කියා සිටියේය.
අගමැති රනිල් වික්‍රමසිංහ විපක්ෂ නායක ධුරය දරන කාලයේ පවා ඔහු ඉන් ඉවත් කිරීමට ඇතැම් පිරිස් උත්සාහ කල බව සිහිපත් කර දුන් ඇමැතිවරයා විපක්ෂ නායක ඉවත් කර ගැනීමට නොහැකි වු අය අගමැති ඉවත් කරන්නේ කෙසේ දැයි වැඩි දුරටත් ප්‍රශ්න කර සිටි.
Facebook Comments
