විශ්වාස භංගයේ සැබෑ ඉලක්කය ජනපති – ඇමැති මංගල

0

අගමැති රනිල් වික්‍රමසිංහ හට විරෝධය පල කරමින් ඒකාබද්ධ විපක්ෂය විසින් පාර්ලිමේන්තුවට ඉදිරිපත් කර ඇති විශ්වාස භංග යෝජනාවේ සැබෑ ඉලක්කය ජනාධිපතිවරයා බව මුදල් හා ජනමාධ්‍ය ඇමැතිවරයා පවසයි.

ජනාධිපතිවරයාට සැබෑ ආරක්ෂාව ලැබෙනේ අගමැතිවරයාගෙන් සහ එක්සත් ජාතික පක්ෂයෙන් බවට ජනාධිපතිවරයාට විරුද්ධ බලවේග හොඳින්ම දන්නා බව පවසන ඇමැති මංගල සමරවීර ජනාධිපතිවරයාව ආරක්ෂා කරන ප්‍රධාන බලවේග බිඳ දමලා එතනට තමන්ට මෙහෙයවන්න පුලුවන් අගමැතිවරයෙක් තාවකාලිකව පත්කිරිම විශ්වාස භංග යෝජනාවේ මූලික අරමුණ බවයි ඔහු පෙන්වා දෙන්නේ.

“මේ විශ්වාසභංග යෝජනාව ගෙනත් තිබෙන්නේ ජාතික වශයෙන් පැවැති මැතිවරණ දෙකකින්ම පැරදිච්ච බංකොලොත් දේශපාලන පක්ෂ යළි පස්ස දොරෙන් බලයට එමේ කුමන්ත්‍රණයක් ලෙස” යැයි ඇමැතිවරයා කියා සිටියේය.

විශ්වස භංගය හරහා කතානායකවරයා ද ඉවත් කර මහින්ද රාජපක්ෂ වැන්නෙක් අගමැතිධුරයට පස්ස දොරෙන් ගෙන ඒම ඒකාබද්ධ විපක්ෂයේ අරමුණ බව පවසන ඇමැතිවරයා ඉන් පසුව දෝශාභියෝගයක් ගෙන එමින් ජනාධිපතිවරයාව පලවා හැරීම ඔවුන්ගේ සැබෑ උත්සාහය බවටයි වැඩි දුරටත් අනතුරු අඟවන්නේ.

Facebook Comments

wedding people